1 Danevelloù 25 - Bibl Koad 21: Ar Bibl e Brezhoneg evit ar Vretoned

Pennad 25

¹ David ha pennoù an arme a lakaas a-du, evit ar servij, a-douez mibien Azaf, Heman ha Jedutun, ar re a oa profeded gant telennoù, gant lourennoù ha gant simbalennoù. Ha setu niver an dud implijet evit ar servij-se, hervez o c'harg:

² eus mibien Azaf: Zakkur, Jozef, Netania, Asharela, mibien Azaf, dindan urzh Azaf a brofede dindan urzh ar roue;

³ eus Jedutun: mibien Jedutun: Gedalia, Zeri, Izaia, Hashabia, Matitia, Shimei, c'hwec'h anezho, dindan urzh o zad Jedutun a brofede gant an delenn evit trugarekaat ha meuliñ an AOTROU ;

⁴ eus Heman: mibien Heman: Bukkija, Matania, Uziel, Shebuel, Jerimod, Hanania, Hanani, Eliata, Giddalti, Romamti-Ezer, Joshbekasha, Maloti, Hothir, Makaziod;

⁵ an holl re-se a oa mibien Heman, gwelour ar roue evit ober seniñ ar c'horn hervez urzh Doue. Doue en doa roet da Heman pevarzek mab ha teir merc'h.

⁶ An holl re-se a oa dindan urzh o zadoù evit ar c'han e ti an AOTROU , gant simbalennoù, lourennoù ha telennoù, evit servij ti Doue. Azaf, Jedutun hag Heman a oa dindan urzhioù ar roue.

⁷ Hag e oa o niver, gant o breudeur desket da ganañ d'an AOTROU , holl anezho ampart: daou c'hant eizh ha pevar-ugent.

⁸ Hag e tennjont d'ar sord evit o c'hargoù, re vihan ha re vras, mistri ha diskibien.

⁹ Ar sord kentañ a zegouezhas evit Azaf da Jozef; an eil da C'hedalia, eñ gant e vreudeur hag e vibien, daouzek;

¹⁰ an trede da Zakkur, gant e vibien hag e vreudeur, daouzek;

¹¹ ar pevare da Jizri, gant e vibien hag e vreudeur, daouzek;

¹² ar pempvet da Netania, gant e vibien hag e vreudeur, daouzek;

¹³ ar c'hwec'hvet da Vukkija, gant e vibien hag e vreudeur, daouzek;

¹⁴ ar seizhvet da Jesarela, gant e vibien hag e vreudeur, daouzek;

¹⁵ an eizhvet da Izaia, gant e vibien hag e vreudeur, daouzek;

¹⁶ an navet da Vatania, gant e vibien hag e vreudeur, daouzek;

¹⁷ an dekvet da Shimei, gant e vibien hag e vreudeur, daouzek;

¹⁸ an unnekvet da Azareel, gant e vibien hag e vreudeur, daouzek;

¹⁹ an daouzekvet da Hashabia, gant e vibien hag e vreudeur, daouzek;

²⁰ an trizekvet da Shubael, gant e vibien hag e vreudeur, daouzek;

²¹ ar pevarzekvet da Vatitia, gant e vibien hag e vreudeur, daouzek;

²² ar pemzekvet da Jeremod, gant e vibien hag e vreudeur, daouzek;

²³ ar c'hwezekvet da Hanania, gant e vibien hag e vreudeur, daouzek;

²⁴ ar seitekvet da Joshbekasha, gant e vibien hag e vreudeur, daouzek;

²⁵ an triwec'hvet da Hanani, gant e vibien hag e vreudeur, daouzek;

²⁶ an naontekvet da Valoti, gant e vibien hag e vreudeur, daouzek;

²⁷ an ugentvet da Elijata, gant e vibien hag e vreudeur, daouzek;

²⁸ an unanvet warn-ugent da Hotir, gant e vibien hag e vreudeur, daouzek;

²⁹ an eil warn-ugent da C'hildatti, gant e vibien hag e vreudeur, daouzek;

³⁰ an trede warn-ugent da Vakaziod, gant e vibien hag e vreudeur, daouzek;

³¹ ar pevare warn-ugent da Romamti-Ezer, gant e vibien hag e vreudeur, daouzek;