1 Danevelloù 24 - Bibl Koad 21: Ar Bibl e Brezhoneg evit ar Vretoned

Pennad 24

¹ Setu amañ kevrennoù mibien Aaron. Mibien Aaron a voe: Nadab, Abihu, Eleazar, Itamar.

² Met Nadab hag Abihu a varvas a-raok o zad, ha n'o doe mab ebet. Hag Eleazar hag Itamar a voe aberzhourien.

³ David, gant Zadok a-douez mibien Eleazar hag Akimelek a-douez mibien Itamar, a rannas anezho hervez o c'hargoù en o servij.

⁴ En em gavout a reas e-touez mibien Eleazar muioc'h a bennoù eget e-touez mibien Itamar, hag e voent rannet evel-se: pennoù tiez o zadoù evit mibien Eleazar, c'hwezek; pennoù tiez o zadoù evit mibien Itamar, eizh.

⁵ Rannet e voent dre ar sord, an eil re gant ar re all, rak bez' e oa gouarnourien ar santual ha gouarnourien ti Doue a-douez mibien Eleazar hag a-douez mibien Itamar.

⁶ Shemaja mab Natanael, ar skrib, eus meuriad Levi, a verkas anezho dirak ar roue hag ar briñsed, dirak Zadok an aberzhour, Akimelek mab Abiatar, ha dirak pennoù-tadoù an aberzhourien hag al Levited. Un ti tadel a voe tennet d'ar sord evit Eleazar, hag unan all a voe tennet evit Itamar.

⁷ Ar sord kentañ a zegouezhas da Jehojarib, an eil da Jedaja,

⁸ an trede da Harim, ar pevare da Seorim,

⁹ ar pempvet da Valkija, ar c'hwec'hvet da Vijamin,

¹⁰ ar seizhvet da Hakkoz, an eizhvet da Abija,

¹¹ an navet da Jozue, an dekvet da Shekania,

¹² an unnekvet da Eliashib, an daouzekvet da Jakim,

¹³ an trizekvet da Huppa, ar pevarzekvet da Jeshebeab,

¹⁴ ar pemzekvet da Vilga, ar c'hwezekvet da Immer,

¹⁵ ar seitekvet da Hezir, an triwec'hvet da Hapizez,

¹⁶ an naontekvet da Betakja, an ugentvet da Ezekiel,

¹⁷ an unanvet warn-ugent da Jakin, an eil warn-ugent da C'hamul,

¹⁸ an trede warn-ugent da Zelaja, ar pevare warn-ugent da Vaazia.

¹⁹ Evel-se e voent renket evit o servij, evit mont da di an AOTROU , hervez ar reolenn lakaet gant Aaron o zad, evel m'en doa gourc'hemennet dezhañ an AOTROU Doue Israel.

²⁰ Setu amañ an nemorant eus mibien Levi. Eus mibien Amram: Shubael; eus mibien Shubael: Jekdia;

²¹ eus Rekabia, eus mibien Rekabia: Jishija ar penn;

²² eus ar Jizehariz: Shelomod; eus mibien Shelomod: Jakad;

²³ eus mibien Hebron: Jerija, Amaria an eil, Jakaziel an trede, Jekameam ar pevare;

²⁴ eus mibien Uziel: Mika; eus mibien Mika: Shamir;

²⁵ breur Mika: Jishija; eus mibien Jishija: Zakaria;

²⁶ eus mibien Merari: Makli, Mushi; eus mibien Jaazija e vab,

²⁷ mibien Merari dre Jaazija e vab: Shoham, Zakkur, Ibri;

²⁸ eus Makli: Eleazar ha n'en doe mab ebet;

²⁹ eus Kish: mab Kish Jerakmeel;

³⁰ eus mibien Mushi: Makli, Eder, Jerimod. Ar re-se a voe mibien al Levited hervez tiez o zadoù.

³¹ Int ivez, evel o breudeur mibien Aaron, a dennas d'ar sord dirak ar roue David, Zadok, Akimelek, ha pennoù-tadoù an aberzhourien hag al Levited. Hag evel-se e voe, evit ur penn tadoù hag evit an disterañ eus e vreudeur.