Warekaia Iteraera 7 - Te B'aib'ara

Uotakin B'aintangira Irouia Taani Kairiri Nakon te Um'antabunrianna

¹ Ao ngke e a bane raoi ana m'akuri Moote ni katea te Um'antabunrianna, ao e a katabua te Um'antabunrianna b'a Ana b'ai te UEA, n ikotaki ma b'ain nanona ni kabane, ma te baonikarea, ao b'aina ni kabane.

² Ao rimwi, taani kairiri man baronga aika tengaun ma uabaronga ake bon uaake a karaoa naba ngkoa te wareaomata, a roko n te um'anrianna

³ a uoti b'aintangira nakon te UEA. A uoti onowaa te kaa are katikitikaki irouia maan, ao tengaun ma uoman taiani kao-temanna te kao i aon temanna te tia kairiri, ao tewaana te kaa are katikitikaki i rouia maan i aoia uoman taani kairiri.

⁴ Ao E taku te UEA nakoni Moote,

⁵ “Ko na butim'aai b'aintangira aikai b'a aonga ni kona ni kamanenaaki irouia kanoan Rewi n te Um'antabunrianna aei b'a b'ain uouotakin b'aai aika tabu.”

⁶ Ao i mwiiin arei, ao Moote, e anaa te kaa are katikitikaki irouia maan, ao taiani kao, ao e anganiia kanoan Rewi,

⁷ ake a mena i aan ana kairiri Itama are natin Aaron te mm'aane. E anga uowa te kaa Moote are katikitikaki irouia maan,

⁸ ao aman te kao nakoia kanoan Kerition i bukin aia m'akuri, ao awaa te kaa are katikitikaki irouia maan, waniman te kaomm'aane nakoia kanoan Merari i bukin aia m'akuri.

⁹ Ma e aki anga te b'ai teuana Moote nakoia kanoan Koata i bukina ngke bon tabeia b'a tararuakin b'aai aika tabu, ake a na uouoti i aon angaia.

¹⁰ Ao ngke e a roko te bong are na katabuaki iai te baonikarea, ao a uoti aia b'aintangira taani kairiri ake tengaun ma uoman i bukin te katabutabu.

¹¹ Ao E taku te UEA nakoni Moote, “E na anga ana karea temanna te tia kairiri n te bong teuana, ao temanna n te bong are i mwiina, ni karokoa baneia ake tengaun ma uoman.”

¹² Ao are moan anga ana karea n te moani bong bon Nation natin Amminataba, man te baronga are Iuta:

¹³ ao ana anga karea bon teuana te raurau ae ab'ab'aki ae te tirewa, ae rawatana 130 te tiekera ke e kaan teuana ma te iterana te kirokuraem (1.495 kg) rawawatana, ao teuana te boora te tirewa ae itibwi te tiekera ke 805 te kuraem (805g) rawawatana uaia n on n te buraawa ae manti raoi ae renganaki n te b'aa b'a te iriko n anga karea:

¹⁴ ao teuana te buun ae te koora ae tebwina te tiekera ke tebubua tebwi ma nimaua te kuraem (115g) ae on n te karea ni kaboiarara:

¹⁵ ma temanna te kao te teei, temanna te tiibu te teei, temanna te tiibu te teei ae te mm'aane ae teuana ana ririki, b'a te karea ni kabuokaki,

¹⁶ ao temanna te kooti ae uarereke i bukin te karea ni kab'ara bure:

¹⁷ ao i bukin te karea n raoi, uoman te kao, niman te tiibu mm'aane, niman te kooti mm'aane, niman te tiibu te teei aika mm'aane aika tatabeua aia ririki, bon ana anga karea Nation are natin Amminataba.

¹⁸ N te kauabong, Netanera are natin Tuua, man te baronga are Itaakara, e a manga anga karea;

¹⁹ e anga teuana te raurau ae te tirewa, ae tebubua tenibwi te tiekera ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'a i bukin te iriko n anga karea;

²⁰ teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

²¹ temanna te kao te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

²² ao temanna mai buakoia natin te kooti b'a te karea ni kab'ara bure;

²³ ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane;

²⁴ N te katenua ni bong Eriaba natin Eron te mm'aane, man te baronga are Teburun;

²⁵ ao ana angakarea bon teuana te raurau ae ab'ab'aki ae te tirewa ae tebubua tenibwi te tiekera rawatana ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea;

²⁶ teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

²⁷ temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

²⁸ ao temanna mai buakoia natin te kooti b'a te karea ni kab'arai buure;

²⁹ ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane.

³⁰ N te kaaua ni bong, Eritura are natin Teteura te mm'aane man te baronga are Reuben;

³¹ ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'a i bukin te iriko n anga karea;

³² teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

³³ temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

³⁴ ao temanna mai buakoia natin te kooti b'a te karea ni kab'arai buure;

³⁵ ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane.

³⁶ N te kanimaua ni bong Terumiera are natin Turitiatai man te baronga are Timeon;

³⁷ ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea;

³⁸ teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

³⁹ temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

⁴⁰ ao temanna mai buakoia natin te kooti b'a te karea ni kab'arai buure;

⁴¹ ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane.

⁴² N te kaonoua ni bong Eriataba are natin Teura te mm'aane man te baronga are Kata;

⁴³ ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'a i bukin te iriko n anga karea;

⁴⁴ teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

⁴⁵ temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

⁴⁶ ao temanna mai buakoia natin te kooti b'a te karea ni kab'arai buure;

⁴⁷ ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane.

⁴⁸ N te kaitiua ni bong Eritiama are natin Ammiuta te mm'aane man te baronga are Eberaim;

⁴⁹ ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea;

⁵⁰ teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

⁵¹ temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

⁵² ao temanna mai buakoia natin te kooti b'a te karea ni kab'arai buure;

⁵³ ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane.

⁵⁴ N te kawani bong Kamariera are natin Betatura te mm'aane man te baronga are Manate;

⁵⁵ ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'a i bukin te iriko n anga karea;

⁵⁶ teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

⁵⁷ temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

⁵⁸ ao temanna mai buakoia natin te kooti b'a te karea ni kab'ara buure

⁵⁹ ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane.

⁶⁰ N te karuaiwa ni bong Abitan are natini Kiteoni te mm'aane man te baronga are Beniamin;

⁶¹ ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea;

⁶² teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

⁶³ temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

⁶⁴ ao temanna mai buakoia natin te kooti b'a te karea ni kab'arai buure

⁶⁵ ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane.

⁶⁶ N te katengaun ni bong Aietera are natin Ammitiatai man te baronga are Taan;

⁶⁷ ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea;

⁶⁸ teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

⁶⁹ temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

⁷⁰ ao temanna mai buakoia natin te kooti b'a te karea ni kab'arai buure;

⁷¹ ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane.

⁷² N te katengaun ma te bongina Bakiera man te baronga are Atera;

⁷³ ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea;

⁷⁴ teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

⁷⁵ temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

⁷⁶ ao temanna mai buakoia natin te kooti b'a te karea ni kab'arai buure;

⁷⁷ ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane.

⁷⁸ N te katengaun ma uabong Aira are natin Enan te mm'aane man te baronga are Nabetari;

⁷⁹ ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea;

⁸⁰ teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

⁸¹ temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

⁸² ao temanna mai buakoia natin te kooti b'a te karea ni kab'arai buure;

⁸³ ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane.

⁸⁴ Aio aron tabuan te baonikarea, n te bong are a kabiraki iai i rouia mataniwiia Iteraera: 12 raurau aika ab'ab'aki aika tirewa, ao 12 boora aika tirewa, ma 12 buun aika koora;

⁸⁵ raurau ake ab'ab'aki aika tirewa, rawawataia bon kaka tebubua tenibwi te tiekera ke e kaan teuana ma te iterana te kirokuraem (1,495 kg), ao boora nako kaka itibwi te tiekera ke 805g rawawataia, ao b'aninin rawawatan tirewani b'aina akanne bon 2,400 te tiekera ke 27.6kg n ai aron tiekeran te um'a are tabu:

⁸⁶ taian koora buun ake 12, aika on n te karea ni kaboiarara, rawataia bon kaka tebwina te tiekera ke 115g.

⁸⁷ Kaao ni kabane i bukin te karea ni kabuokaki bon 12, 12 te tiibu mm'aane, 12 tiibu te teei aika mm'aane aika kaka teuana aia ririki; ma te iriko ae te karea; ao 12 kooti ataei aika mm'aane i bukin te karea ni kab'arai buure.

⁸⁸ Ao taiani kao i bukin te karea n raoi bon 24, 60 tiibu mm'aane, 60 te kooti mm'aane, 60 te tiibu te teei aika tib'a kaka teuana aia ririki. Aio aron tabuan te baonikarea, ao i mwiina a kabiraki.

⁸⁹ Ao ngke e nako n rin n te Um'antabunrianna Moote ni kan maroroo ma te UEA, ao e taetae te UEA nako ina mai marenan b'aai ake iai baiia ni kiba, ake a mena i aoni matan te Atiniberita.