Warekaia Iteraera 29 - Te B'aib'ara

Karean te Toa are Taiani Bu Ao E taku te UEA:

¹ Ni moani bongin te kaitiua n nam'akaina, ao kam na motirawa man ami m'akuri, ao kam na ikotaki ni bukamarua tangin taiani bu.

² Kam na uota temanna te kaomm'aane nakon te baonikarea, ao temanna te tiibu mm'aane ae i ikawai, itiman tiibu mm'aane aika kaka teuana aia ririki ni maiu aika akea toabuakan rab'ataia. Ao kam na anga b'a karea ake kakukureiau.

³ E na kaairaki ma te kaomm'aane, onoua te rawawata te buraawa ae rangi ni mte ae renganaki ma b'aan te oriwa, b'a te karea are te uita. Kam na anga aua te rawawata te buraawa ae renganaki ma te b'aa ma te tiibu mm'aane,

⁴ ao uoua te rawawata te buraawa ae renganaki ma te b'aa, e na riai ni kaairaki ma taian tiibu mm'aane aika ataei n tatabemaniia nako.

⁵ Ao kam na anga naba te kooti b'a te karea ni kab'arabure.

⁶ A na karaoaki taian karea aikai b'a raonan karea n te bong koraki ao taiani karea are i bukin moani bongin te nam'akaina. E na bon kakukureiai bubun taiani karea aikai.

Taiani Karea Ni Bongin te Kab'arabure Ao E taku te UEA:

⁷ Katebwinan bongin te kaitiua n nam'akaina boni bongin te Kab'arabure. Kam na motirawa man ami m'akuri ni kabane n te bong anne, ao kam na bootaki n taromauri. Kam na kaota nanokawakimi n aki am'am'arake,

⁸ ao uoti nakon te baonikarea temanna te kaomm'aane ae te ataei, temanna te tiibu mm'aane ae e ikawai, ao itiman tiibu mm'aane aika kaka teuana aia ririki ni maiu, aika akea toabuakan rab'ataia. Ao kam na anga baikai b'a taiani karea ake kakukureiau.

⁹ E na kaairaki ma te kaomm'aane, onoua te rawawata te buraawa are rangi ni mte ae renganaki ma b'aan te oriwa, b'a te karea are te uita. Ao aua te rawawata te buraawa ae renganaki ma te b'aa e na kaairaki ma te tiibu mm'aane,

¹⁰ ao uoua te rawawata te buraawa ae renganaki ma te b'aa, e na kaairaki ma tatabeman te tiibu mm'aane te teei.

¹¹ E na riai ni kareanaki naba te kooti i bukin aia bure aomata. Kam na anga karea aikai i rarikin taian karea ni kab'arabure, ao karean te bong koraki.

Taiani Karea n Te Toa ae M'anganikaai Ao E taku te UEA:

¹² E na moanaki te Toa ae M'anganikaai man katebwi ma nimauan te kaitiua n nam'akaina ao n reitinako i nanon itiua te bong, ike a na bane iai aomata ni bukamarua te Toa ae M'anganikaai b'a karineau.

¹³ Kam na motirawa man ami m'akuri ni moanibongina, ao kam na bootaki n taromauri. Uoti tengaun ma teniman kaomm'aane nakon te baonikarea, uoman tiibu mm'aane aika a ikawai, 14 tiibu mm'aane aika teuana aia ririki ni maiu, aika akea toabuakan rab'ataia. Ao kam na anga baikai b'a te karea are kakukureiau.

¹⁴ E na kaairaki onoua te rawawata te buraawa are rangi ni mte ae renganaki ma te b'aa ma taiani kaomm'aane n tatabemaniia nako, b'a te karea are te uita. Ao aua te rawawata te buraawa ae renganaki ma te b'aa, e na kaairaki ma tatabeua te tiibu mm'aane,

¹⁵ ao uoua te rawawata te buraawa ae renganaki ma te b'aa, e na riai ni kaairaki ma tatabeman tiibu mm'aane aika ataei.

¹⁶ Ao kam riai naba n anga te kooti b'a te karea ni kab'arabure. A na kareanaki baikai b'a raon ake karean te bong koraki.

¹⁷ Ao n te ka uoua ni bong kam na anga tengaun ma uoman te kao mm'aane aika ataei, uoman te tiibu m'ane, ao tengaun ma aman te tiibu te teei aika kaka teuana aia ririki aika toa raoi,

¹⁸ kam na anga n reitaki ma karea ake a kainanoaki i bukin te moani bong,

¹⁹ Ao n te katenua ni bong ao kam na anga tengaun ma temanna kaomm'aane aika ataei, uoman tiibu m'ane, tengaun ma aman tiibu aika ataei aika toa raoi,

²⁰ kam na anga n reitaki ma karea ake a kainanoaki i bukin te moani bong

²¹ Ao n te kaua ni bong tengaun taian kaomm'aane aika ataei,

²² uoman tiibu m'ane, tengaun ma aman tiibu aika ataei,

²³ aika kaka teuana aia ririki aika toa raoi,

²⁴ kam na anga n reitaki ma karea ake a kainanoaki i bukin te moani bong,

²⁵ Ao n te kanimaua ni bong kam na anga ruaman te kaomm'aane, uoman te tiibu m'ane,

²⁶ ao tengaun ma aman tiibu aika ataei ake kaka teuana aia ririki aika toa raoi,

²⁷ kam na anga n reitaki ma karea

²⁸ ake a kainanoaki i bukin te moani bong

²⁹ Ao n te kaonoua ni bong kam na anga waniman te kaomm'aane, uoman te tiibu m'ane ao tengaun ma aman tiibu aika ataei ake kaka teuana aia ririki aika toa raoi,

³⁰ kam na anga n reitaki ma karea

³¹ ake a kainanoaki i bukin te moani bong.

³² Ao n te kaitiua ni bong kam na anga itiman te kao m'ane, uoman te tiibu m'ane ao tengaun ma aman tiibu aika ataei ake kaka teuana aia ririki aika toa raoi

³³ Kam na anga n reitaki ma karea ake a kainanoaki i bukin te moa ni bong.

³⁴ Ao nikiran taiani karea ma angab'ai, a na bon tiku n aroia ni boong nako.

³⁵ Kam na manga motirawa riki n te kawanua ni bong, ao kam na bootaki n taromauri.

³⁶ Ao uota temanna te kaomm'aane nakon te baonikarea, temanna te tiibumm'aane ae e ikawai, ao itiman tiibu mm'aane aika kaka teuana aia ririki ni maiu, aika akea toabuakan rab'ataia. Ao kam na anga b'a taiani karea are kakukureiau.

³⁷ Ao kam na anga naba te karea are te uita ni koaua, ao te karea are te mooi te wain n tatabemaniia nako nakoia taiani man.

³⁸ Ao anga naba te kooti b'a te karea ni kab'arabure i bukiia aomata. A karaoaki baikai b'a raonan karean te bong koraki.

³⁹ Kam na riai n anga taiani karea aikai nako Iu n taai ake a tia n rineaki, n reitaki ma taiani karea ake taian anganano, ke ake i bukin kakoroan te berita.

⁴⁰ Ao Moote, e tuangiia aomata b'aai ni kabane ake e tuangaki iroun te UEA i bukin taiani karea.