Warekaia Iteraera 1 - Te B'aib'ara

Moan warekaia Iteraera

¹ Ni moanibongin te kauoua n nam'akaina i nanon te kauoua n ririki i mwiin kitanan Aikubita irouia Iteraera, ao E taetae te UEA nakon Moote i nanon te Um'antabunrianna are e mena iai i nanon rereuan Tinai. E taku,

² I tangiriko ma Aaron b'a kam na kakaaea m'aitiia baronga ma utuun Iteraera.

³ Ao ma n taui araia mm'aane ni kabane aika uabwi ni waerake aia ririki ni maiu, aika kona ni buaka.

⁴ Ao aikai araia taani kairiri irouia utuun baronga ake tengaun ma uabaronga ake a na buokiko:

⁵ Eritura are natin Teteura man te baronga are Reuben,

⁶ Terumiera are natin Turitiatai man te baronga are Timeon,

⁷ Nation are natin Amminataba man te baronga are Iuta,

⁸ Netanera are natin Tua man te baronga are Itakara,

⁹ Eriaba are natin Eron man te baronga are Teburun,

¹⁰ Eritiama are natin Ammiuta man te baronga are Eberaim,

¹¹ Kamariera are natin Beratura man te baronga are Manate,

¹² Abitan are natin Kiteoni man te baronga are Beniamin,

¹³ Aietera are natin Ammitiatai man te baronga are Taan,

¹⁴ Bakiera are natin Okeran man te baronga are Atera,

¹⁵ Eriataba are natin Teuera man te baronga are Kata,

¹⁶ ao Aira are natin Enan man te baronga are Nabetari,

¹⁷ Ao a weteia aomata ni bootia n te bong naba arei

¹⁸ Moote ma Aaron, ao taani kairiri i aoia baronga ake tengaun ma uabaronga. Ao a warekia i nanon aia kaainga ma aia utu.

¹⁹ Ao i mwiin arei, ao a koreaki araia mm'aane ake uabwi ni waerake aia ririki ni maiu irouni Moote ma raona, n aron are E a tia ni baaireia te UEA.

²⁰ Ao aikai m'aitiia mm'aane ake uabwi ni waerake aia ririki ni maiu man baronga nako, ake a kona ni ira te buaka n aia taanga ni buaka Iteraera ni moa man te baronga are Reuben, ana karimoa Iakob'a te mm'aane.

²¹ Ao aikai m'aitiia ni kabane:

²² 46,500 man te baronga are Reuben, ana karimoa Iakob'a te mm'aane,

²³ Man te baronga are Timeon, rikiia n aia utu nako, ma kaaini bataia aia bakatibu ake a warekaki mai buakoia n aron m'aitin araia ake kaka 20 aia ririki ma ake a ikawai riki ake a kona te nako ni buaka ni kabaneia ake a warekaki mai buakoia bon 59,300

²⁴ Man te baronga are Kata, rikiia n aia utu nako, ma kaaini bataia aia bakatibu, n ai aron m'aitin araia ake kaka 20 ma ake a ikawai riki ake a kona te nako ni buaka ni kabaneia

²⁵ ake a warekaki mai buakoia bon 45,650

²⁶ Mai buakoia tibun Iuta, rikiia n aia utu nako, ma kaaini bataia aia bakatibu, n ai aron m'aitin araia ake kaka 20 aia ririki ma ake a ikawai riki

²⁷ ake a kona te nako ni buaka ni kabaneia ake a warekaki mai buakoia bon 74,600

²⁸ Mai buakoia tibun Itakara, rikiia n aia utu nako, ma kaaini bataia aia bakatibu, n ai aron m'aitin araia ake kaka 20 aia ririki ma ake a ikawai riki,

²⁹ ake a kona te nako ni buaka ni kabaneia ake a warekaki mai buakoia bon 54,400

³⁰ Mai buakoia tibun Teburun, rikiia n aia utu nako, ma kaaini bataia aia bakatibu, n ai aron m'aitin araia ake kaka 20 aia ririki ma ake a ikawai riki,

³¹ ake a kona te nako ni buaka ni kabaneia ake a warekaki mai buakoia bon 57,400

³² Mai buakoia tibun Ioteb'a, ake tibun Eberaim, rikiia n aia utu nako, ma kaaini bataia aia bakatibu, n ai aron m'aitin araia ake kaka 20 aia ririki ma ake a ikawai riki,

³³ ake a kona te nako ni buaka ni kabaneia ake a warekaki mai buakoia bon 40,500

³⁴ Mai buakoia tibun Manate, rikiia n aia utu nako, ma kaaini bataia aia bakatibu, n ai aron m'aitin araia ake kaka 20 aia ririki ma ake a ikawai riki

³⁵ ake a kona te nako ni buaka ni kabaneia ake a warekaki mai buakoia bon 32,200.

³⁶ Mai buakoia tibuni Beniamin, rikiia n aia utu nako ma kaaini bataia aia bakatibu, n ai aron m'aitin araia, ake kaka 20 aia ririki ma ake a ikawai riki,

³⁷ ake a kona te nako ni buaka ni kabaneia ake a warekaki mai buakoia bon 35,400

³⁸ Mai buakoia tibun Taan, rikiia n aia utu nako, ma kaaini bataia aia bakatibu, n ai aron m'aitin araia, ake kaka 20 aia ririki ma ake a ikawai riki,

³⁹ ake a kona te nako ni buaka ni kabaneia ake a warekaki mai buakoia bon 62,700

⁴⁰ Mai buakoia tibun Atera, rikiia n aia utu nako, ma kaaini bataia aia bakatibu, n ai aron m'aitin araia, ake kaka 20 aia ririki ma ake a ikawai riki,

⁴¹ ake a kona te nako ni buaka ni kabaneia ake a warekaki mai buakoia bon 41,500.

⁴² Mai buakoia tibun Nabetari, rikiia n aia utu nako, ma kaaini bataia aia bakatibu, n ai aron m'aitin araia, ake kaka 20 aia ririki ma ake a ikawai riki,

⁴³ ake a kona te nako ni buaka ni kabaneia ake a warekaki mai buakoia bon 53,400

⁴⁴ Aikai ake e warekia Moote, Aaron ao mataniwiia Iteraera ake tengaun ma uoman man aia baronga nako.

⁴⁵ Ao te koraki ake a warekaki ni kabaneia mai buakoia Iteraera ake kaka 20 aia ririki ma ake a ikawai riki,

⁴⁶ ake a kona te nako ni buaka ni kabaneia mai buakoia bon 603,550

⁴⁷ Ma a aki warekaki kaain te baronga are Rewi

⁴⁸ i bukin Ana taeka te UEA nakoni Moote are kaangai:

⁴⁹ Kam na aki warekia kaain te baronga are Rewi ngkana kam karaoa te wareaomata i aoia Iteraera.

⁵⁰ Ma kam na anganiia tabeia ae tararuaakin te Um'antabunrianna, ma b'aina nako, ao taiani b'ai n taromauri. A na katei auti n rianna ni katobibia te Um'antabunrianna.

⁵¹ Ao ngkana kam nang manga m'ananga nako, ao a na kab'aranakoa te Um'antabunrianna ma ni uotia, ma ni manga kateia n te tabo are kam na manga katei maeka iai. E na tiringaki ane kataia ni kaaniia te Um'antabunrianna.

⁵² Ao nikiraia Iteraera, a na boni katei auti n rianna ni bon aia m'akoro nako, i aan aia buraeki.

⁵³ Ma ana katei auti n rianna kanoan Rewi ni katobibia te Um'antabunrianna, b'a a na akea ae na kaaniia te Um'antabunrianna, b'a I kaawa ni karekekaia Iteraera.

⁵⁴ Ao a karaoi b'aai ni kabane Iteraera n aron are E a tia ni baaireia te UEA.