Te Otinako 9 - Te B'aib'ara

Maan Aika Mate

¹ E kanakoa Moote te UEA ma te rongorongo ae e kaangai nakon uean Aikubita: Te UEA ae Atuaia Ebera e tuangko ma te matoa b'a ko na kanakoia ana aomata, b'a aonga ni kona n taromauriia.

² Ngkana ko teimatoa n rawa ni kanakoia,

³ E na katuaaeako ni karokoa te aoraki ae e kakamaaku i aoia ami man ni kabane, ami aoti, aati, kaamero, kao, tiibu, ao kooti.

⁴ N na kaokoroi aia man Iteraera ma aia man kaain Aikubita, b'a e aonga n akea manin Iteraera ae na mate.

⁵ I a tia Ngai ae te UEA n namata te ingabong b'a te tai are N na karaoa iai aei.

⁶ Ao E karaoa are e a tia n taekinna te UEA ngke e ingabong, ao a bane ni mate aia man kaain Aikubita ni kabane, ma bon akea aia man Iteraera ae mate.

⁷ E titiraki te uea b'a tera te b'ai ae e riki ao e tuangaki b'a bon akea aia man Iteraera ae mate. Ma e bon taningabono naba ao e aki kanakoia Iteraera.

Taian Kaboa

⁸ Ao E taku te UEA nakon Moote ma Aaron, “Anaa te abutana te mannang man te tabo ni kanaiai; ao e na karenakoa Moote i nanon te ang i matan te uea.

⁹ A na maae nako kaanga taiani baareka aika mmani i aon Aikubita ni kabutaa, ao a na kariki taian kaboa n taabo nako ake a na manga riki b'a maneka aika uki mataia i aoia aomata ma taiani man.”

¹⁰ Ma ngaia are, a karekei tabeua taian mannang ao a tei i matan te uea; ao e karenakoi Moote nako nanon te ang, ao a kariki taian kaboa ake a manga riki b'a taian maneka aika a uki mataia i aoia aomata ma maan.

¹¹ Ao a aki konaa n roko taan tabunea i matan Moote, b'a a onrake n taian kaboa, n ai aroia naba kaain Aikubita ake te korakina.

¹² Ma te Atua e karika te uea ae B'arao b'a e na taningabono n aron are E a tia n taekinna b'a e na aki kan ongo B'arao iroun Moote ma Aaron.

Te Karau te Aiti

¹³ Ao E taku te UEA nakon Moote, “N te moa n ingabong ningabong kam na kawara te uea ao tuangnga ana taeka te UEA ae Atuaia Ebera, ae kaangai, “Ko na kanakoia au aomata, b'a a aonga n taromauriai.

¹⁴ Bon aei te tai are N na aki ti katuaaia am mataniwi ma am aomata, ma N na bon katuaaeko naba, b'a ko aonga n ataia b'a bon akea ae ai arou n te aonnaba aei ni kabutaa.

¹⁵ Ma ngkana I tia n tabeka baiu n oroiko ma am aomata n te aoraki, ao ko na kaman mauna nako.

¹⁶ N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

¹⁷ Ma ko bon kamoamoa naba ao ko rawa ni kanakoia au aomata.

¹⁸ N te tai aei nakon te ingabong N na karokoa te karau te aiti, n aron ae e tuai man n reke n rongorongon Aikubita ni kabane.

¹⁹ Ko na anga am taeka nakon am man ni kabane ao b'aai ni kabane akana a mena i tinaniku b'a a na katanaki. E na b'aka te karau te aiti i aoia aomata ao maan akana tiku i tinaniku n aki katanaki, ao a na bane ni mate.

²⁰ A maaku tabeman ana mataniwi te uea n te b'ai are e taekinna te UEA, ao a kairiia aia toro ma aia man ni kataniia.

²¹ Ma bon iai naba ake a aki tabe ma ana kauring te UEA ao a bon katikuia aia toro ma aia man i tinaniku.

²² Ao E taku te UEA nakon Moote, “Tabeka baim nako karawa, ao e na b'aka te karau te aiti i aon aban Aikubita ni kabutaa, i aoia aomata, maan, ao aroka ni kabane i nanon te katawanang.”

²³ Ma ngaia are, e tabeka okona Moote nako karawa, ao e kanakoa te baa ma te karau te aiti, ao e ruona aontano te iti. E kanakoa

²⁴ te karau te aiti te UEA, ma te iti ae aki toki ni kiakia. Bon buakani karawa ae te kabanea ni buakaka ae e tuai man reereke i buakon rongorongon Aikubita mai m'aaina.

²⁵ E b'akari b'aai nako te karau te aiti i aon Aikubita ni kabutaa ao e kuoti kunin taian aroka ni kabane ma b'aai nako ake i tinaniku, n reitaki ma aomata ni kabane ao maan ni kabane. E oroi taian aroka ni kabane ake n te katawanang ao e urui taian aroka ni kabane.

²⁶ Bon te aono are Koten, are a maeka iai Iteraera are akea iai te karau te aiti.

²⁷ Ao e kanaanako ni weteia Moote ma Aaron te uea ao e taku, “I a tia ni bure nakon te UEA n te tai aei; e bon eti te UEA, ao I bure ma au aomata.

²⁸ Tataro nakon ami UEA! Ani katoka te baa ma te karau te aiti aei! I berita b'a N na kanakoingkami; kam na aki manga tiku riki ikai.”

²⁹ E taku Moote nako ina, “N na tabeka baiu ma n tataro nakon te UEA bon n te tai naba are ti otinako man te kaawa aei iai. E na toki te baa ao e na akea riki te karau te aiti, b'a ko aonga n ataia b'a bon ana b'ai te UEA te aonnaba.

³⁰ Ma I ataia b'a ko aki maaka te UEA ae Atuara ngkoe ma am mataniwi.”

³¹ A uruaki taian buraekiti ma te b'are, b'a e a tai te b'are, ao e a ari te buraekiti.

³² Ma bon akea te uita ae e uruaki, i bukina ngke e kiriaria riki ana tai are e na tai iai.

³³ Ao e kiitana te uea Moote, ao e otinako man te kaawa are e buubura arei, ao e tabeki baina ni kauaai n tataro nakon te UEA. Ao e toki rebwen te baa, te karau te aiti, ao e toki te karau ni kabane.

³⁴ Ao ngke e noora te b'ai are e riki te uea, e a manga bon aki kan ongotaeka naba. A manga bon taningabono naba ngaia ma ana mataniwi n aroia are rimoa

³⁵ n aron are E a tia ni kaman taekinna te UEA nakon Moote, are e na aki kanakoia Iteraera te uea.