Te Otinako 4 - Te B'aib'ara

E Anga Te M'aaka ao te kakorakora Te UEA Nakon Moote

¹ Ao e titiraki Moote nakon te UEA ni kaangai, “Ngkana tao a bane aomata n rawa n ongo nakon au rongorongo, n akea temanna ae e kakoaua b'a ko kaoti nako iu?

² Ao e kaeka te UEA ni kaangai, “Tera ane i nanon baim?” Ao e taku Moote, “Te oko.”

³ Ao E taku te UEA, “Ko na tewea nako aontano.” Ma ngaia are, e karenakoa te kai Moote nako aontano. Ao e rina n riki b'a te naeta, ao e kiba rikaaki Moote.

⁴ Ao E taku te UEA nako ina, “Tabekia mai bukina,” Ao e karaoa arei Moote, ao e a manga riki b'a te oko arei.”

⁵ Ao E taku te UEA, “Ko na karaoa aei, ao ane a na kakoauako iai Iteraera b'a ko a bon tia n noorai, Ngai ae te Atua are I taromauriaki irouia aia bakatibu ake Aberaam, Itaaka, ao Iakob'a.”

⁶ Ao i mwiina, E a manga tuangaki Moote iroun te UEA ni kaangai, “Karina baim i nanon am kabaraaki.” Ao e ongotaeka Moote, ao ngke e a manga buuta baina ao e a mainaina n ai aron te tinoo, kanga te aomata ae e reebera.

⁷ Ao E manga tuangnga te UEA ni kaangai, “Karina baim i nanon am kabaraaki.” Ao e karaoa arei Moote, ao ngke e kaotinakoa baina ao e a manga raoiroi baina n aron rab'atana ni kabane.

⁸ E taku te UEA, “Ngkana arona b'a aki kakoauako ke n anaaki nanoia n te moan kakai, ao ane a na bae n anaaki nanoia n ae teuana.

⁹ Ngkana arona b'a a aki anaaki naba nanoia n taian kakai aika uoua aikai, ao a rawa n ongo nakon te b'ai ae ko taekinna, ao ko na itiia teutana ranin te Naire, ao kab'aroa i aon te tano. Ao e na onikaki te ran nakon te raraa.

¹⁰ Ao e kaeka Moote ni kaangai, “I bon aki tau n taetae. I tuai man riki b'a te tia taetae i m'aain ae ko taetae nako iu, ao I tuai naba ngkai. I wiiremwe n taetae, ao I aki konaa n iangoa te b'ai ae N na taekinna.”

¹¹ Ma E kaeka te UEA ni kaangai, “Antai ae e kataetaeia aomata ke ni kataningabonoia ke ni kabae neweia ke ni kamatakiia?

¹² Ko na nako ngkai! N na raoniko ngkana ko taetae ma n anganiko taeka aika ko na taekin.”

¹³ Ao e buubuti Moote ao e kaangai, Te UEA, kanakoa temanna b'a e na karaoa anne.”

¹⁴ Ao E a un te UEA iroun Moote ao E taku: Ao e uara tarim are Aaron, are kanoan Rewi? I ataia b'a te tia taetae. Ae i aoni kawaina n nako mai b'a e na kawariko, ao e na bon kukurei ni manga nooriko.

¹⁵ Ko konaa n taetae nako ina ma n tuangnga te b'ai ae I taekinna. N na buokingkami ni kauoman n taetae, ao N na kaai n tuangkami te b'ai ae kam na karaoia.

¹⁶ E na riki b'a am tia taetae ao e na taetae nako ia aomata i bukim. Ao i mwiina, ko na riki b'a kaanga te Atua, ae e ti tutuangnga te b'ai are e na taekinna.

¹⁷ Ko na uouota ngkai te oko aei; b'a ko na karaoi taian kakai mai iai.

E a Oki Moote Nako Aikubita

¹⁸ Ao e nako Moote nakon taman buuna are Ietero ao e butiia ni kaangai, “Taiaoka ma kariaia b'a N na okira Aikubita b'a N na nooria ngkana iai nikiraia au aomata aika a maiu.”

¹⁹ Ma i m'aain aei, E a tia n tuangaki Moote iroun te UEA ni kaangai, “Ko na kiitana abaia kaain Miria ao okira Aikubita. A bane n tia ni mate aomata nako ake a tangiria n tiringko.”

²⁰ Ma ngaia are, e katokaia buuna ma natina Moote i aon te aati ao e m'ananga ni kaineta Aikubita, ma okona i nanon baina are e mena iai m'aakan te Atua.

²¹ Ao E taku te UEA nakon Moote ngke e tabe ni m'ananga i aoni kawaina: Ngkana ko roko i Aikubita, ko na nakon te uea ao ko na karaoi am kakai ake I a tia ni kaoti nako im. Ma N na karaoia b'a e na rangi ni taningamatoa n te aro are e na rawa ni kanakoia au aomata.

²² Ao i mwiina, ko na tuangnga te b'ai are I taekinna, “Iteraera bon Au karimoa te mm'aane,

²³ ao I tuangko b'a ko na kainaomataia, b'a aonga ni konaa n taromauriai. Ma ko rawa, ao ngkai N na tiringa natim te mm'aane are am karimoa.”

Korotabonim'aneakin Natin Nei Tebora Te Mm'aane

²⁴ N te tairiki teuana ngke e katei auti n rianna Moote, ao E kuri n tiringaki iroun te UEA.

²⁵ Ma e korotabonim'aneaki natina te mm'aane Nei Tebora n te biti te atiibu. E riinga waen Moote ni kunin tabonim'anena natina te mm'aane ao e kaangai, “Natiu te mm'aane ae ko tangiraki, e na kakaawakiniko te raraa aei. Buu ae ko tangiraki, bon m'anen te raraa ngkoe.”

²⁶ Ma ngaia are, E aki kamaraka Moote te UEA. Ao i mwiina, e taku Tibora, Eng raou, ko maiu i bukin te korotabonimm'aane ae I karaoia aei.”

Kanakoan Aaron B'a E Na Kawara Moote

²⁷ Ao E kanakoa Aaron te UEA b'a e na kaaitibo ma Moote n te rereua. Ma ngaia are, e kaaitibo Aaron ma Moote n te Maunga are Tinai ao a kamauri n inga n irab'ati.

²⁸ Ao e tuanga Aaron Moote te b'ai are kanakoa iai te Atua b'a e na taekinna, e bon tuangnga naba taekan te m'akuri ni kakai are E a tia n anganna te Atua b'a e na konaa ni karaoia.

²⁹ Ao rimwi riki, a ikotiia taan kairiiri i rouia Iteraera,

³⁰ ao Aaron e tuangiia te b'ai are E kanakoa iai te Atua Moote b'a e na taekinna. Ao i mwiina, e karaoi taian kakai Moote nako ia aomata,

³¹ ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.