Te Otinako 36 - Te B'aib'ara

¹ E a tia te UEA n angan Betarera, Ooriaba, ma ake tekorakina taiani konab'ai aika kainanoaki i bukin karaoan te tabo n taromauri, ao a riai n iri ana kaetieti te UEA.

² Ao e bootia taan m'akuri Moote aika a kukurei nanoia ni karaoa te m'akuri,

³ ao e anganiia te m'ane ake a tia n anga aomata i bukin karaoan te tabo n taromauri. Ni koauana, a bon tia n anga aomata te m'aiti ni m'ane ae e rangi ni m'aiti ni katoa ingabong,

⁴ n tokina a katoka aia m'akuri aomata nako

⁵ ao a taku, “Moote, e a bon rangi ni m'aiti te m'ane i aon are ti tangiria i bukin te b'ai are E a tia n anganiira te UEA b'a ti na karaoia.”

⁶ Ma ngaia are, e a kanakoa ana taeka Moote b'a a na katoka aia angab'ai aomata, ao a karaoa arei.

⁷ Ao e a bon tia n reke ae e rangi n raka i aon are e tangiraki i bukin katiaan te m'akuri.

Karaoan te Um'antabunrianna ma B'aina nako Irouia Taani M'akuri aika Bairaoi

⁸ Ao a bootaki taani m'akuri ake a bairaoi ni karaoa te um'antabunrianna ma keetenna taian riinen aika a rarangaaki ma buraen te tiibu aika buru, uraro, ao a uraura ma ni katamaroaaki n te korooti ae tamneia baike a maiu aika iai baiia ni kiba.

⁹ Bon tebwiina m'aitin taian m'akorokoro ni kunnikai aika tebwi ma uoua te miita ab'akiia ao uoua te miita raababaia n tatabeua nako.

¹⁰ Ao a ituuaki n ti teuana ni karaoaki b'a rooki aika uoua aika nimaua m'akorokoroia.

¹¹ Ao i mwiina, kanim nimabwi taian taninga ni kimoa

¹² aika a karaoaki n te kunnikai ae e buru ni kabutaa iteran te keeten are e ab'ab'aki riki,

¹³ ao manga kabaeai taian keeten akana uoua akanne n taninga ni kimoa akanne n taiani matau aika koora aika nimabwi m'aitiia.

¹⁴ I bukin ngkanne b'ain nako te auti n rianna,

¹⁵ e na kamanenaaki buraen te kooti ni rarangaaki iai m'akoro ake tebwi ma teuana b'a tebwi ma tenua te miita ab'akina ao uoua te miita raababana n tatabeua nako.

¹⁶ A na tomaaki taian m'akoro aikai ni karaoaki b'a uoua te keeten, are teuana bon nimaua m'akorona, ao are teuana bon onoua m'akorona,

¹⁷ A kanim'aki taian taninga ni kimoa n iteran te keeten are e anaanau riki,

¹⁸ ao a kabaeaki taian keeten ake uoua n taian taninga ni kimoa ma taian matau aika buraonti aika nimabwi.

¹⁹ A karaoaki naba taian rabuna ake uoua-are teuana e karaoaki n te riinen ae e tamaroa ao are teuana man kunin te tiibu mm'aane ae e kaurauraaki.

Riin te Um'antabunrianna

²⁰ E kamanenaaki te kai te aketia ni karaoaki iai kain oon te Um'antabunrianna.

²¹ Kain oon te Um'antabunrianna teuana bon aua te miita rietana ao onobwi ma onoua te tientemiita raababana

²² ma uoua taian beke i rarikin ooia.

²³ Ao a katukaki uoua taian kaintei aika taian tirewa i aan kain te oo n tatabeua nako ma nib'aia i bukin taian beke,

²⁴ b'a a aonga ni konaa n tomaaki n tii teuana.

²⁵ Uabwi mai buakon kain te oo aikai ake a kamanenaaki

²⁶ n iterana are maiaki ao uabwi riki n iterana are meaang.

²⁷ Onoua kain te oo a kamanenaaki n oo ake mai buki n iterana are maeao

²⁸ ao uoua riki ake n iterana are koona maiaki maeao ao meaang maeao.

²⁹ A tomaaki kain te oo aikai mai taubukina nako oina.

³⁰ Bootan kain te oo ake a nim man te oo are mai buki bon wanua ao uoua taian kaintei aika a tirewa i aaia n tatabeua nako.

³¹ Nimaai taian kai ni kamatoa aika a karaoaki

³² i bukin teuana kain te oo,

³³ teuana te kai ni kamatoa are e ira ab'akin te oo.

³⁴ A kabiraki kain te oo ni kabane ao taian kai ni kamatoa n te koora, ao taian m'am'a ake nim ma kain te oo i bukin karinan taian kai ni kamatoa.

Rokin Nanon te Um'antabunrianna

³⁵ A karaoi keeten man te riinen ae rarangaaki man te burae n tiibu ae e buru, ae e uraro, ao a e uraura, ao korotinaki bannan baike a maiu aika iai baiia ni kiba.

³⁶ A karaoi naba aai amona man te kai te aketia aika a kabiraki n te koora. Ao manga m'am'a aika a kanim'aki ma taian boua ake a kateaki i aon taian kaintei ake taian tirewa.

³⁷ A kamanena te keeten ae karaoaki man te riinen ae e tamaroa ae e rarangaaki man te burae n tiibu ae e buru, ae uraro, ao e uraura ao e katamaroaaki n te korooti ae e rangi ni tamaroa.

³⁸ A karaoi naba nimaai taian boua aika a kabiraki n te koora, ao a katei n tatabeua nako i aon te kaintei te buraonti are e kabiraki n te koora. Kabaneana raoi, a kanim ukin taian keeten.