Te Otinako 26 - Te B'aib'ara

Taian Keeten ma Rabunan Te Um'antabunrianna E taku te Atua nakon Moote:

¹ Karin keetenin te Um'antabunrianna aika a karaoaki man tebwiina m'akorokoro ni kunnikai aika riinen aika tamaroa. A na riai n rarangaaki man buraen te tiibu ae buru, ae uraro, ao ae uraura, ao a na karaoaki taamnein maan aika maiu aika iai baiia ni kiba aika korootinaki.

² Ab'akin keeten n tatabeua nako bon tebwi ma uoua te miita ao uoua te miita raababana,

³ ao ituua n tomai ni kariki b'a uoua keeten aika nimaua m'akorokoroia n tatabeua nako.

⁴ Karaoi taian taninga ni kimoa n te kunnikai ae te buru i tinanikun m'akorokoro n aron are a katautauaki iai.

⁵ Kanim nimabwi taian taninga ni kimoa akanne n aron are a katautauaki iai ao nimabwi taian taninga ni kimoa ni kaboraoi i aon te kabanea ni m'akoro n te kauoua n aron are e a tia ni katautauaki iai.

⁶ Karaoi nimabwi taian matau aika koora are e na kona n reitii taian katautau ake uoua b'a teuana te m'akoro.

⁷ Ko na karaoa rabunan te um'anrianna man tebwi ma teuana m'akorokoro ni kunnikai aika karaoaki ma buraen te kooti

⁸ Kaboraoi ab'akiia ni kabane, ae kaka tebwi ma tenua te miita ao uoua te miita raababaia n tatabeua nako.

⁹ Ituui ni booti ake nimaua man taian m'akorokoro akekei ni karaoa iai teuana te keeten. Ao i mwiina, manga ituui ake onoua riki ni booti ni karaoa iai kakauoua n te keeten, ao rukuma te kaonoua ni m'akorokoro ni kauataoa i matan te um'a n rianna.

¹⁰ Kanim nimabwi taian taninga ni kimoa n iteran rababan taian keeten nako,

¹¹ ao kabaei taian keeten ake uoua ni karin taian matau aika buraonti i nanon taian taninga ni kimoa ake nimabwi.

¹² E na riai n anaanau riki te keeten are buraen te kooti nakon ab'akin te auti n rianna,

¹³ ma ngaia are, e na rukumaki nimabwi te mirimiita man te keeten i akuun te auti n rianna n iterana ake uoua b'a rabunana.

¹⁴ Karaoi riki uoua rabunana—teuana ae e karaoaki man kunin te tiibu mm'aane ae e kaurauraaki ao are teuana man te kunniman ae e tamaroa.

Kain Oon Te Um'antabunrianna E taku te UEA:

¹⁵ Karaoi kain oon te Um'antabunrianna man te kai ae te aketia.

¹⁶ Buburan kain oon te Um'antabunrianna n tatabeua nako bon aua te miita rietana ao onobwi ma onoua ab'akina

¹⁷ ao uoua taian beke aika taiani kai i rarikin kaina ake mai nano.

¹⁸ Karaoi uabwi taian kaintei i bukin iterana are mai maiaki

¹⁹ ao abwi tirewa ni beke ake a rinnako i aana, ao uoua taian beke ni katoai taian kaintei ni kamatoai ake uoua.

²⁰ Ao uabwi taian kaintei i bukin akuun te Um'anrianna man te itera maeao

²¹ ao abwi beke aika taian tirewa, ao uoua i aan taian kaintei.

²² I bukin ngkanne te oo are mai buki are i tinanikun te itera are mai maeao, kam na kamanenai oneai kain te oo

²³ ao uoua riki n taian kaintei i bukin taian koona.

²⁴ Taian kaintei ni koona aikai a na bane n toma nakon are mai nano b'a e na reitaki nakon are ma ieta.

²⁵ Bootan kain te oo ake a na kamanenaaki i bukin te oo are mai tinaniku bon wanua ao uoua aia kaintei i aaia n tatabeua nako.

²⁶ Karaoi tengaun ma nimaai kaainikamatoa man te kai ae te aketia i bukin kain te oo,

²⁷ ao nimaai taian kaintei ni iterana are teuana, ao nimaai kaintei i bukin te itera are mai maeao, are mai buki

²⁸ ma te kai ni kamatoa n nuuka ae e bangaki n ira anaun kain te oo ni kabane e na kananauaki man iteran te um'anrianna nakon iterana are teuana.

²⁹ Kabiri kain te oo ma taiani kai ni kamatoa n te koora ao kanim taian m'am'a koora ma kain te oo i bukin karinakin te kai ni kamatoa b'a e na rin i nanoia.

³⁰ Ao i mwiina, katea te auti n rianna n aron are I a tia ni kaotia nako im i aon te maunga.

Te Roki i nanon Te Um'antabunrianna E taku te UEA:

³¹ Karaoa te keeten man te kunnikai ae te rinen ae rarangaaki man buraen te tiibu ae mawaawa, e uraroo ao ae uraura. Korotinna n tamnein baike a maiu ake iai baiia ni kiba.

³² Ao katinetinei i aon boua ake aai aika taian aketia ae rabunaki n taian koora, ao ni kanim'aki raoi ma taian matau, ake a baarongaaki n taian beke aika aua aika tirewa.

³³ Kanim'a te keeten i aan taian karinan ni matau ake a barongaaki i taubukin te um'anrianna, ao i akuun te keeten ao ko na katuka iai te Atiniberita are kakanoa n taian atibu ake uoua. Te keeten anne e na kaokoroa te Tabo are e Tabu ma te Tabo are Moan te Tabu.

³⁴ Katuka te Atiniberita are iai te tabo n akoi i aon matana i nanon te tabo are moan te tabu.

³⁵ I tinanikun te Tabo are Moan te Tabu, ao katuka te taibora i bukin te kariki are e tabu n te atai ao kaintein te taura are te koora n te maing.

³⁶ Kamanenaa te m'akoro ni kunnikai are te riinen ae e rarangaaki man buraen te tiibu ae buru, e uraura ao ni korotinaki n ae tamaroa i bukin te mataroa n rin nakon te auti n rianna.

³⁷ Kabiri n te koora taiani boua ake nimaai ake a karaoaki man te kai te aketia ao katei n tatabeua nako i aon te kaintei ae te buraonti. Ao i mwiina, kanim taian uki i aon taiani boua ao katinei ikanne.