Te Otinako 18 - Te B'aib'ara

Kawaran Moote Iroun Ietero

¹ Ao Ietero are ibongani Mirian, are tamani buun Moote, e ongo aron b'aai ni kabane ake E a tia ni karaoi te UEA nakoni Moote ma Iteraera ngke E kaotinakoia mai Aikubita.

² Ma ngaia are, e kawara Moote, ao e kaira buun Moote are e tiku are Nei Tibora

³ ma natina mm'aane ake uoman ake Kerition, ao Erietera. E taku Moote, “Bon te iruwa ngai n te aba ae I boou i aona;” ma ngaia are, e arana natina te mm'aane are temanna b'a Kerition.

⁴ Ao e taku naba, “E a tia ni buokai ma ni kamaiuai te Atua ae Tamau man tiringakiu iroun uean Aikubita.” Ma ngaia are, e arana natina te mm'aane are temanna b'a Erietera.

⁵ Ao e kawara Moote Ietero n te rereua are e maeka iai Moote n te maunga are tabu, ao e airi ma buun Moote, ao natina mm'aane ake uoman.

⁶ E a kamani kanakoa ana taeka nakoni Moote b'a a na roko ni kawaria.

⁷ Ma ngaia are, e a kaman butim'aia Moote, e bobaraaki i mataia ma ni kaboria ao n inga ma ngaiia. Ao a i titirakiniia i bon irouia b'a a uara, ao i mwiina, a kaai n rinnako n ana auti n rianna Moote.

⁸ Ao e a karakini b'aai ni kabane Moote nakon Ietero ake E karaoi te UEA nakon uean Aikubita, ao kaain Aikubita i bukin kamaiuaia Iteraera. E boni kaongoraea naba taiani kangaanga ake a kaaitibo ma ngaai aomata i aoni kawaia, ma aron te UEA ni kamaiuia.

⁹ Ao e rangi ni kukurei Ietero ngke e ongo baikai,

¹⁰ ao e taku, “E neboaki te UEA are E kamaiuko mairoun uean Aikubita ma kaaina! E neboaki te UEA are kamaiuia Ana aomata man te tautoronaki!

¹¹ I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

¹² Ao i mwiin arei, ao Ietero e a uota te karea ae b'anin ao karea riki tabeua n anga nakon te Atua: ao a bane n iria Aaron ma taani kairiia Iteraera b'a a na kana te iriko ae tabu arei ni bon aron aia taromauri.

Rineakiia Taani Moti

¹³ Ao n te ingabong are i mwiina, ao e tabe Moote ni katoka te mangaongao i marenaia aomata, ao e rangi n tabetabe man te ingabong ni kabongnga.

¹⁴ Ao ngke e noori b'aai ni kabane Ietero ake e karaoi Moote, ao e taku, “Tera ngkai ae ko karaoia nakoia aomata? E aera ngkai ti ngkoe ni karaoi aia kanganga aomata aika a nikiri i roum. A teibabaa aomata man te ingabong ni kabongnga.

¹⁵ Ao e taku Moote, “N na riai ni karaoa aei b'a a kawarai aomata b'a a kan reireiaki nanon Ana kantaninga te Atua.

¹⁶ Ngkana a roko i rou uoman aomata n taekina bobuakaia, ao I tuangiia Ana babaaire ma Ana tua te Atua.”

¹⁷ Ao e taku Ietero, “Bon tiaki anne arona ae eti.

¹⁸ Ko a boni kakorakaiko n reitaki ma aomata. E bon rangi ni bati tabem iai ngkana ti ngkoe.

¹⁹ N na tuangko ngkai arom ae ko na karaoia, ao E na raoraoniko te Atua. E bon riai b'a ko na tei i bukiia aomata i matan te Atua, ma ni uoti mangaongaoia nako Ina.

²⁰ Ko riai n reireiniia Ana kaetieti te Atua, ma n tuangiia aroia ni maiu, ma baika riai ni karaoi.

²¹ Ma i rarikin anne, ao ko riai n rineia mm'aane aika konab'ai b'a taani kairiiri i bukiia aomata. Rineia taani kairiiri i bukiia tengaun, nimangaun, tebubua ao teuana tengaa, aika koraki aika mamaka te Atua aika a kakaonimaki, ma n aki b'ab'aina te babakanikawai.

²² Ko na kam'akuriia b'a taani moti i bukiia aomata, i aon tuua aika a tia ni kamatoaaki. Ao a kona ni uoti taiani kangaanga nako im, ma a kona ni baairei taiani kamangaongao i bon irouia aika uarereke. Ko na rangi ni bebete iai ngkai a i buokanib'aia rawawatam.

²³ Ngkana ko karaoa Ana kaetieti te Atua n aron aei, ao ko na bon aki kurakai iai, ao a na okiri aia auti aomata ma te kukurei b'a a toki iai mangaongaoia.”

²⁴ Ao e karaoa ana reirei Ietero Moote,

²⁵ ao e rineia mm'aane aika konab'ai mai buakoia Iteraera. E rineia tabeman b'a taani kairiiri i bukiia tengaa, ao tabeman i bukiia tebubua, ao tabeman i bukiia nimangaun, ao tabeman i bukiia tengaun.

²⁶ Ao a riki b'a taani moti i bukiia aomata i aon tua ake a tia ni kamatoaaki, ma ni uoti taiani kangaanga nakon Moote, ma a boni baairei taiani kamangaongao aika a uarereke.

²⁷ Ao i mwiin arei, ao e a kabo Moote nakon Ietero, ao e a okira ana auti Ietero.