Taian Areru 99 - Te B'aib'ara

Te Atua Ae Tabu

¹ Ara UEA bon te king; ao a makua aomata; E tekateka i aon ana kaintokanuea are i aoia kerubim ao e m'ainging aon te aba.

² E kakannato te UEA i Tion ao e rietaata i aoia botannaomata nako.

³ Ke a karaoiroa arana ae kakannato ma ni kakamaaku aomata nako. Moan te tabu Ngaia!

⁴ Te Uea ae Ko korakora, Ko tangira te eti b'a e na karaoaki; Ko a tia ni kawenei am Babaire i bukini karaoan te kaetitaeka ae e raoiroi i buakoia Iteraera;

⁵ Kam na neboa te UEA ae Atuara; taromauriia i matan ana kaintokanuea! Moan te tabu Ngaia!

⁶ Ana ibonga naba Moote ma Aaron, ao Tamuera, boni ngaia naba temanna ae taboa arana; A tataro nakoina, ao E ongo irouia.

⁷ E taetae nakoia man te nang are kanga ai aron tein te boua; A ongeaba nakon ana taeka ma ana tua are E anganiia.

⁸ Te UEA ae Atuara, Ko ongo irouia am Aomata; E boni ngae ngke Ko kareke kaiia i bukin aia bure, Ma Ko boni kaotiko naba nakoia b'a te Atua Ngkoe ae te tia kab'ara buure.

⁹ Kam na neboa te UEA ae Atuara, ao taromauriia n ana maunga are tabu! Moan te tabu te UEA ae Atuara!