Taian Areru 98 - Te B'aib'ara

Te Atua Ae Taua Taekan Aonaaba

(Te Areru)

¹ Kam na anenea te anene ae boou nakon te UEA; B'a E a tia ni karaoi baika kamimii! E reke i rouna te tokanikai n oini m'akana n Atua ao ni korakorana.

² E katanoata taekan ana tokanikai te UEA; E kaota m'akana b'a e na ataaki irouia botannaomata nako.

³ E kateimatoa ana berita nako ia te botannaomata ae Iteraera ma te karinerine ao ana Tangira i bukiia. A bane aomata nako n nora aron Atuara ni kamaiuia ana Aomata.

⁴ Aomata ni kabane i aonnaba, kam na anene ni kakatonga nakon te UEA; Kam na neboia n ami anene ma b'anaami ni kim'areirei!

⁵ Kam na anene n neboa te UEA! Katanga te aabi ao anene ma tangina ae tangi raoi.

⁶ Katang taiani bu, ao kanene b'anaami ni kim'areirei nakon te UEA ae ara uea.

⁷ Ke e rurunga nanoni marawa, ma kanoana, anene, aonnaba, ma akana maeka iroum!

⁸ Ubouboi baimi, ngkami aika karaanga; ke a uaia n anene ni kakatonga taian tabuki i matan te UEA,

⁹ I bukina b'a E roko n tautaekana te aba. E na tautaeka i aoia aomata nako i aonnaba n te eti ma te aki nanonano.