Taian Areru 96 - Te B'aib'ara

Te Atua Ao Te King ae Rietaata

¹ Kam na anenea te anene ae boou nakon te UEA! Kam na anene nakon te UEA, ngkami aika kaain aonnaba ni kabaneingkami!

² Kam na anene nakon te UEA, n neboia; Kam na katanoata n te bong ae koraki taekani kamaiuan te aba i rouna.

³ Katanoata kakannatona nakoia botannaomata ni kabaneia, ao ana m'akuri aika kamimii nakoia aomata nako.

⁴ B'a E kakannato te UEA, ao E riai n rangi ni kamoamoaki; E na makaki riki nakoia anti ni kabaneia.

⁵ Bouananti antiia botannaomata nako, ma E karika karawa te UEA.

⁶ Iai te karineaki ma te mimitong i Rouna, Ao te korakora ma te tamaroa n ana Tembora ae Tabu.

⁷ Kam na kamoamoa te UEA, ngkami aomata nako i aonnaba; Kamoamoa mimitongina ma korakorana.

⁸ Angan te UEA te neboaki ae riai nakon Arana; Uota mai te karea nako nanon ana Tembora.

⁹ Bobaraaki i m'ain te Atua ae Tabu ngkana E kaoti; Kam na karinanoingkami i matana, ngkami kaain aonnaba ni kabane!

¹⁰ Kam na kaangai nakoia botannaomata nako, “E uea te Atua! E tei n nene ni nena aonnaba n aki kona ni kam'aingaki; E na motiki taekaia botannaomata ma te eti.”

¹¹ E na kim'areirei karawa ao e na kukurei aonnaba! E na rurunga marawa, ma kanoana;

¹² A na kakatonga aaba aika unikaki, ma b'aai ni kabane ake i nanona! A na takaakaa ni kim'areirei kaai n te buakonikai

¹³ Ngkana E roko te UEA n taua taekan aonnaba. E na tautaekaniia aomata nako i aonnaba n te eti ma te aki nanonano.