Taian Areru 86 - Te B'aib'ara

Te Tataro i bukin Ana Buobuoki te UEA

(Ana Tataro Tawita)

¹ Te UEA, ongo irou ao buokai, B'a I kaawa, ao e kai nanou.

² Kamaiuai man te mate i bukina ngkai I kakaonimaki nakoim; Kamaiuai, b'a am Toro ngai ae I onimakiniko.

³ Te Uea, Ko na nanoangaai, b'a I aki toki n tatataro nakoim.

⁴ Te Uea, kakukureiai, ngai ae am Toro, b'a a waerake au tataro nakoim.

⁵ Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

⁶ Te UEA, ongora n au tataro; ongo b'anaau ni bubuti buokau.

⁷ I weteiko n te tai ae e kai nanou iai, i bukina b'a Ko ongongo n au tataro.

⁸ Te UEA, akea te atua temanna ae ai arom, Ao akea i buakoia ae e a tia ni karaoa are Ko a tia ni karaoia.

⁹ Ane a na bane n roko ni bobaraaki nako Im botannaomata nako ake Ko a tia ni karikiia; Ane a na kamoamoaa aram.

¹⁰ Ko kakannato ao Ko karaoi baika kamimii; Bon ti Ngkoe te Atua.

¹¹ Te UEA, Ko na reireiai te bae Ko tangiria b'a N na karaoia, Ao N na ongeaba nakoim ma te kakaonimaki; Ko na reireiai b'a N na toro iroum ma te aki nano-tiotio.

¹² Te UEA ae Atuau, N na neboiko ma nanou ni koaua; N na kamoamoa aram n aki toki.

¹³ Ai batiraa am Tangira nako iu! Ko a tia ni kamaiuai ngke N nangi mate.

¹⁴ Te Atua, a roko n eekainako akana kainikatonga; A kani kamateai te koraki aika kakam'arua te koraki aika akea karineam irouia.

¹⁵ Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

¹⁶ Tani mai nako iu, ao nanoangaai; kakorakoraai ao kamaiuai, b'a i touatiniko kanga ai aron ana m'akuri tinau

¹⁷ te UEA, Ko na kaota nako iu kakoauan am Raoiroi; Ane a na mamaa akana ribaai ngkana a nora ae Ko anganai kabebeteau ma buokau.