Taian Areru 85 - Te B'aib'ara

Te Tataro I Bukin Reken Te Rau

(Ana b'ai aia Mataniwi taan anene; aia Areru natini Kora)

¹ Te UEA, Ko ataataiaomata nakon abam; Ko a manga kaoka kab'aian Iteraera.

² Ko a tia ni kab'ara aia bure ma aia kaairua am Botannaomata.

³ Ko katoka unim irouia ao Ko aki kaotinakoa unim ae korakora.

⁴ Te Atua ae ara tia kamaiu, Ko na kaoka kab'aiara ngkoa nakoira, Ao katoka aki kukureim iroura.

⁵ E na teimatoa unim iroura n aki toki? E na aki kona n toki unim?

⁶ Ko na manga kakorakoraira, ao ngaira, aika am Botannaomata, ti na neboiko.

⁷ Te UEA, Ko na kaota am Tangira ae teimatoa nakoira, Ao anganira buokara ae ti na kamaiuaki iai.

⁸ N na ongora nakon te bae E taekinna te UEA; E atonga ae na reke te raoi nakoira, ngaira aika ana botannaomata aika ti kakaonimaki nakoina, ao ti na bon aki oki nakon arora n nanobaba.

⁹ E bon tauraoi ni kamaiuia akana karinea, Ao E na kaota memenana i abara ni kamaiuakira i rouna.

¹⁰ A na uaia n reitaki te tangira ma te kakaonimaki; E na irab'ati te raoiroi ma te raoi.

¹¹ E na kataia n rota eta te kakaonimaki mai aon te aba, Ao e na baraaki ana raoiroi te Atua n tara naano mai karawa.

¹² E na karikirakea kaub'aira te UEA, Ao e na taiaki ae bati mani marin abara.

¹³ E na ri moan te UEA te raoiroi n ai aron te tia kaira te kawai, B'a e na katanem'aneka te kawai i bukina.