Taian Areru 84 - Te B'aib'ara

Tangiran Um'an te Atua

(Ana b'ai aia Mataniwi taan anene; n te b'ana ae te gittith; Aia Areru natini Kora)

¹ Te Atua ae Moan te M'aaka, ai tamaroa ra Nem ni Maeka!

² Ti te kan nako ngai ni mena ikekei! I kan nako ni mena n ana Tembora te UEA. I anene ni kakatonga nakon te Atua ae maiu ma nanou ni kabane.

³ Te UEA ae Moan te M'aaka, ae au Uea ao Atuau, a reke neni ngaoia tib'aaro ma tuwaaro ni katikui buniia iai i rarikin am Baonikarea.

⁴ A kab'aia akana maeka n am Tembora; A aki toki n anene neboiko.

⁵ A kab'aia akana reke korakoraia mairoum, Akana e korakora i nanoia te kani m'ananga n nakonako nakon te maunga are Tion.

⁶ A ri nanon m'aruan Baka, ao E karikia te Atua b'a te tabo ae iai koburakenran iai; ae e rabunaki aona n are reke mani b'akan taiani moa ni karau.

⁷ A rikirake riki ni marurung n aia tai ni m'ananga; A na nora te Atua ae tautaeka i aoia atua i Tion.

⁸ Te UEA ae te Atua ae Moan te M'aaka, Ko na ongo au tataro; Atuan Iakob'a, Ko na ongora!

⁹ Te Atua, Ko na kakab'aia ara uea, are Ko a tia n rineia.

¹⁰ E raoiroi riki te bong ae ti te bongina ni mena i nanon am Tembora nakon tengaa te bong ni mena n te tabo teuana. E raoiroi riki irou te tei n tantani i rarikini mataroan te kawai n rin nakon ana auti Atuau, Nakon te maeka ni mwengaia akana buakaka.

¹¹ Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

¹² Te UEA ae Moan te M'aaka, a kab'aia akana onimakiniko!