Taian Areru 82 - Te B'aib'ara

Te Tia Tautaeka Te Atua Ae Kororaoi

(Ana Areru Ataba)

¹ E tekateka te Atua b'a te tia babaire n te bootaki ni kauntira i karawa; E anga ana moti n aia bootaki taian atua.

² Kam riai n toki man aromi ni motikitaeka ae aki eti; Kam riai n aki manga nanoniia akana buakaka ngkana kam motikitaeka.

³ Kam na tei i bukin aia riai akana kananoanga ma akana akea aia karo; Karaoa ae e raoiroi nakoia akana kai nanoia ma akana tangira buokaia.

⁴ Kamaiuia mai nanoni baiia akana buakaka.

⁵ Ai nanoroo ra ngkami! Kam a baba ra! A buretata aromi, ao e a bua te kaetitaeka ae e raoiroi mai aon te aba.

⁶ I taku, ‘Taian atua ngkami; Natin te Atua are Moan te Rietaata ngkami ni kabaneingkami.’

⁷ Ma kam na mate n ai aroia naba aomata; A na toki maiumi n ai aroia naba taan tautaeka.

⁸ Te Atua, nako mai, tautaeka i aonnaba; B'a bon am B'ai Botannaomata nako.