Taian Areru 8 - Te B'aib'ara

Neboan te Atua ao Karinean te Aomata

Ana Areru Tawita i bukin mataniwiia taan anene.

¹ Ara UEA ao ara Tia Tautaeka, ai raoiroira aram n tabo nako i aonnaba! E nooraki mimitongim i eta i karawa;

² A aneneia ataei ma merimeri. Ko rab'a ma ni mano raoi mairouia am kairiribai; Ko kaini wiia taani kaaitarako.

³ Ngkana I tarataraa karawa are Ko a tia ni karaoia, ma nam'akaina ma itoi, ake Ko katikui ni nneia

⁴ Tera te aomata, ngkai Ko m'annanoia; bon ti taian rab'ata ngaiia, ao Ko ururingiia!

⁵ Ko kamangoria riki nakoim; ao Ko bauniia n te mimitong ma te karineaki.

⁶ Ko rineia b'a a na tautaekan am B'ai ni kabane aika Ko a tia ni karaoi. Ko katokaia i aon am Karikib'ai nako:

⁷ kaao ma tiibu, ao maan aika a aki manana naba;

⁸ mannikiba i karawa, ao ika i taari ma manin nako taari.

⁹ Te UEA, ae ara Tia Tautaeka, e rangi n tikiraoi aram ni kabutaa te aonnaba!