Taian Areru 67 - Te B'aib'araTe Anene ni Katituaraoi (Te Areru; te anene; ana b'ai aia Mataniwi taan anene; ma b'ai ni katangitang aika iai karaiia) 1 Te Atua, nanoangaira ao kakab'aiaira; Ko na taraira ma te mata n akoi, 2 B'a a aonga botannaomata nako n ataa kamaiuan te aba iroum. 3 Te Atua, a na neboiko aomata; A na neboiko aomata ni bane! 4 A na kakatonga botannaomata, ao a na anene ni kim'areirei: B'a Ko motiki taekaia aomata ma te eti, Ao Ko kairiia botannaomata nako i aonnaba. 5 Te Atua, a na neboiko aomata; A na neboiko aomata nako. 6 E kariki uaana aontano ni kabatia; E a tia te Atua, ae Atuara, ni kakab'aiaira. 7 E a tia te Atua ni kakab'aiaira; A na bane aomata nako n taabo nako ni karinea. |