Taian Areru 62 - Te B'aib'ara

E M'aaka ao E ataataiaomata te Atua

(Ana Areru Tawita i bukin Ietutun, ae aia Mataniwiia taan anene.)

¹ I taotaona nanou ni kaantaninga te Atua b'a E na kamaiuai; Ti Ngaia mwiokoni maiu.

² Ti Ngaia katanau ao buokau; Ngaia ae kamanoai, ao N na aki kona n taenikai.

³ Ai ti maanraa ngkami n eekaanako te aomata ae akea riki korakorana nakon te o ae e a ei nako b'a e nangi b'aka?

⁴ Kam ti kani kab'aka mani nena ni karineaki; A maiu nanomi n te kewekewe. Kam taetae ni kakab'aia te aomata, ma kam karereantia i nanomi.

⁵ Ti te Atua mwiokoni maiu, Ao e tiku au kaantaninga i rouna.

⁶ Ti Ngaia katanau ao buokau, Ngaia ae kamanoai, N na aki kona n taenikai.

⁷ E mena kamaiuau ma karineau iroun te Atua; Ngaia au tabo ni kamanomano ae matoatoa, ao nneu ni katantan.

⁸ Kam na onimakina te Atua n taai nako, ngkami aika au aomata. Tai toki n tuangnga ami kangaanga ni kabane, b'a Ngaia nera ae ti rau raoi iai.

⁹ Ai aron te ike ae ti teuana aomata nako; Ao ti te bo aroia aika kakannato ma aika mangori n akea manenaia. Ngkana a tauaki rawawataia, ao bon akea rawawataia; A bebete riki nakon rawawatan angin te ike ae ti te ikena.

¹⁰ Tai onimakini ami m'akuri ni bai-tabare, Ao tai kaantaninga rekeni kab'aiami mani kurib'aiaia aomata iroumi. Ao ngkana a rikirake kaub'aimi, ao tai taku b'a e mena iai mwiokoni maiumi.

¹¹ E raka i aon teuana au tai n ongo ana taeka te Atua, ngke E taetae ni kaangai, “I m'aaka,”

¹² ao e teimatoa au tangira. Boni Ngkoe, te Uea, ae Ko angania aomata n tatabemaniia nako booni mwin aia m'akuri.