Taian Areru 55 - Te B'aib'ara

Kam'aneakina iroun Raoraona

(Ana Areru Tawita ae okoro i bukin te tia kaira te anene. Ae kabonganai b'ai ni katangitang aika iai karaia.)

¹ Te Atua, Ko na ongo au tataro, Ao tai rawa nakon au bubuti!

² Ko na ongo irou ao kaekaai; A taonai rawawatan au iango. I kiriwe ao I aki rau

³ i bukin ana taeka n iowawa te tia ribaai, Ao i bukini karawawatau irouia akana buakaka. A kariki kaangaanga nako iu, A un irou ao a ribaai.

⁴ E tata ruberubeni burou, E taonai korakoran angini maakan te mate.

⁵ I rurubenebe b'a I maaku; E taonai korakoran angin te maaku.

⁶ A bia reke baiu ni kiba n ai aron te taobe: Ao I a kona ni kibakiba nako ni karekea motikan rawau.

⁷ I a kona ni kibakiba nako kiraroa n tiku teutana n te rereua.

⁸ I a kona ni waekoa ni kunea te tabo are N na katanai iai man te ang ae baibati ma buakani karawa.

⁹ Te Uea, Ko na kamangaongaoi aia taetae taan ribaai, B'a I noori m'akuri ni kakeru ma aaro ni kiriwe i nanon te kaawa.

¹⁰ A teiakina te kaawa taan ribaai ni katobibia ni ngaina ao ni bong; E on nanona n te kiriwe ma m'akuri n iowawa;

¹¹ E korakora te urub'ai iai; E bati te aonikai ma te babakanikawai n taabo ni m'akete.

¹² Ngke tao aiau ae b'ainingareai, ao I kona n taotaona nanou; Ao ngke tao te tia ribaai ae kamoamoaa nako iu, ao I kona ni karabaai mai rouna.

¹³ Ma boni ngkoe, ae raoraou, ae I tataneiai ma ngkoe, ae ti te bo arora.

¹⁴ Ti uaia ni kukurei n taetaenikawai n ara tai n nakonako ma aomata i nanon am Tembora.

¹⁵ A bia mate akana ribaai i m'ain aia tai; A bia ruo, ngkai a maiu, nakon te ruanimate! E mena te buakaka ni mwengaia ao i nanoia.

¹⁶ Ma I wetea te UEA ae te Atua, ao E na buokai, ao E na bon kamaiuai

¹⁷ I bunra rawawatan nanou nakoina n te ingabong ao n te tawanou ao n te tairiki, Ao E na ongo b'anaau.

¹⁸ E na kamaiuai man te buaka aika I buaka iai ma aiau aika bati.

¹⁹ Te Atua, are E tautaeka ma ngkoangkoa, E na ongo irou ao E na anganai te tokanikai i aoia; B'a a rawa ni kani bitaki man aroia, Ao a aki maka naba te Atua.

²⁰ E ekianako nako raoraona teuare raou; E urua ana boraraoi.

²¹ A maranran riki ana taeka nakon te kuriim Ma e raba te riribai i nanona; A maraurau riki ana taeka nakoni marauraun te oera, Ma a korokoro n ai aroni kabaang aika kakang wiia.

²² Ko na kaaki rawawatam i aon te UEA, ao E na buokiko; E na buokiia akana raoiroi b'a a na teimatoa.

²³ Ma Ngkoe, te Atua, Ko na kariniia taan tiritiri ma taani b'anga ni kewe ruanimateia i m'ain banen iteran aia bongi ni maiu. Ao ngai N na onimakiniko.