Taian Areru 46 - Te B'aib'ara

Te Nne ni Katantan te Atua

(Te Areru ae Katauaki i bukiia ana aomata Kora. Ana b'ai mataniwiia taan anene)

¹ Boni nera ni katantan ao korakorara te Atua. E kaan n taai nako ni buokira n tain te kangaanga.

² Ma ngaia ae ti na aki maaku, e ngae ngkana e m'aeiei aon te aba, ao a b'aka maunga i nanoni marawa;

³ E ngae ngkana e roko korakorani buakani marawa ae e ingiing iai mataniwin te aba.

⁴ Iai te karaanga ae uota te kim'areirei nakon te kaawa are ana tabo ni maeka ae tabu te Atua are Moan te M'aaka.

⁵ E mena te Atua n te kaawa anne, Ao e na aki kona n uruaki; E rangi n tauraoi ni buokiia.

⁶ A kiriwe botannaomata b'a a maaku, a nako buaka waaki n tautaeka n aaba ake iai ueaia; E taetae te Atua n te b'anaa ae korakora, kanga ai aron rebwen te baa, ao e riki n ran aonnaba.

⁷ Bon raora te UEA ae Moan te M'aaka; Bon otangara Atuan Iakob'a.

⁸ Nako mai noori ana m'akuri te UEA, Nori baika kamimii aika E karaoi i aon te aba.

⁹ E katoki taiani buaka i aon aaba nako; E otei kainikatebe ma kanoani kainikatebe; Ao E kabuoki n te ai taian otanga

¹⁰ E kaangai te Atua, “Katoki ami buaka, Ao kam na atai b'a te Atua Ngai, ae kakannato i buakoia botannaomata nako, ao I rine i aonnaba ni kabutaa.

¹¹ Bon raora te Atua ae Moan te M'aaka, Bon otangara Atuan Iakob'a.