Taian Areru 38 - Te B'aib'ara

Ana Tataro te Aomata ae Kananoanga

(Ana Areru Tawita i bukin te angakarea n ururing)

¹ Te UEA, ngkana Ko un, ao tai boaai Ke ni kaeta arou n te aro ae N na karawaawataaki iai.

² Ko kaikoakai ni kanoan am Kainikatebe, ao Ko oreai ni baim.

³ I korakai ni maraki i bukin unim; E aoraki rab'atau i bukin au bure.

⁴ A rangi ni bati au bure, Ai aron te ieka ae I a b'ab'a iai; a rangi n rawaawata n te uotaki.

⁵ A kakaiaki ikoakiu ao a m'aung, i bukin nanobabau.

⁶ I b'aoua ni maraki ao a aki kona n tei waeu; I tang ni kabongnga.

⁷ E korakora kabuebuen rab'atau, ao e kaan ae N na mate.

⁸ I nimamate ao a aki kona n tei waeu; I ngirangira i bukini kiriween nanou.

⁹ Te Uea, Ko atai baika I tangiri ni kabane; E aki raba rawawatan nanou mairoum.

¹⁰ E tata buki bukini manawau; akea korakorau; A aikoa itiaki taraani kanoani matau n ai aron taraaia rimoa.

¹¹ A kararoaai raoraou ma ake a maeka ni kaan ma ngai i bukin aorakiu; ao a kararoaai naba au utu mairou.

¹² A kawene b'aai ni kam'am'ane aomata ake a kani kamateai b'a a na kam'aneai iai; Ao a iaiangoa aroni kam'aruaau ni kabongnga aomata akana kani kaikoakai.

¹³ Ai aron te aomata ae te bonotaninga ngai, ae aongkoa I aki kona n ongo; ao ai aron naba te aomata ae e bae newena ngai, ae aongkoa I aki kona n taetae.

¹⁴ Eng, ai aron te aomata ngai ae aki kona ni kaeka b'a akea te bae I ongo.

¹⁵ Ma I kaantaningaiko, te UEA; Boni Ngkoe, te UEA ae Atuau, ae Ko na kaekaai.

¹⁶ Tai kariaia taan ribaai b'a a na ngareakinai; ke a na kamoamoa ngkana iai te kabuanib'ai ae riki nako iu.

¹⁷ B'a I a kani b'aka, i bukin te maraki ae titiku irou.

¹⁸ I kaoti au bure; I raraoma iai.

¹⁹ A marurung ma ni korakora taan ribaai; A bati akana akea bukin ribaakiu i rouia.

²⁰ A riki b'a aiau akana kaboa te raoiroi n te buakaka, I bukin au kekeiaki ni kani karaoa ae eti.

²¹ Te UEA, tai kitanai; tai kararoaai Atuau!

²² Bareiko ni buokai, Ngkoe te Uea ae I maiu iroum!