Taian Areru 36 - Te B'aib'ara

Buakakan te Aomata ao Ana Tangira te Atua

(Ana Areru Tawita, ae ana Toro te UEA; ana b'ai Mataniwiia taan anene)

¹ Akea karinean te Atua irouia taani bure; ti te bure kanoan aia iango.

² E kamoamoaa ni karangnga i bon i rouna, n ribaa oin aia bure ke ni bon noraki iai.

³ Ti te atongi taeka aika bubuaka ma taeka n uarao; E a bua arona ae e raoiroi ae ataib'ai.

⁴ E karioi iango aika bubuaka ngkana e wene ni nena ni wene; Akea te bae e karaoia ae na raoiroi, Ao e aki kona n riba te b'ai ae buakaka.

Raoiroin te Atua

⁵ Te UEA, e rota karawa am Tangira ae teimatoa; ao e roti naang am Kakaonimaki.

⁶ Ai aron te maunga ae te kabanea n rietaata am Raoiroi; Ai aron nanoni marawa ae nano am Kaeti-taeka. A mena aomata ma maan i aan am Tararua.

⁷ Te Atua, ai kakawakira am Tangira ae Teimatoa! A bane aomata ni kataniia iroum, i aan nuuni baim ni kiba.

⁸ A kang am'arake aika bati aika Ko katauraoi n am auti; Ao Ko kamoiia mani karaangan am Raoiroi.

⁹ Mai Roum koburaken te maiu; ao ti nora te oota i bukin ootam.

¹⁰ Kateimatoa tangiraia akana ataiko, ao am Nanoanga nakoia akana raoiroi.

¹¹ Tai kariaia b'a a na eekainako akana kainikatonga, Ke a na kakioai nako aomata aika buakaka.

¹² Noriia te koraki ake a buakaka! A b'aka ni wene, n aki manga kona n teirake.