Taian Areru 3 - Te B'aib'ara

Te Tataro n te Kaarangaina

(E koreia Tawita ngke e birinako mairoun natina are Abetarom)

¹ Te UEA, ai batiraa aiau. A bati akana teirake n eekainako,

² ao a kaangai, “Akea kamaiuam iroun te Atua.”

³ Ma bon otangau Ngkoe, ao Ko anganai te tokanikai, ma te karineaki ae bati.

⁴ I kanenea b'anaau n tataro nakoim te UEA, ao Ko kaekaai man am Maunga are Tabu.

⁵ I matu; ao I uti ma te marurung b'a ngkoe, te UEA, ae Ko kaawakinai.

⁶ I aki makuia aomata aika tebwina tengaa m'aitiia, aika katobibiai n eekainako.

⁷ Te UEA ae te Atua, teirake ao kamaiuai. Orom'angaiia taan ribaai, ao urui naba wiia,

⁸ b'a Ko tararuaia am Aomata ma ni kakab'aiaia.