Taian Areru 24 - Te B'aib'ara

Te Uea ae Kakannato

(Ana Areru Tawita)

¹ Bon ana b'ai te UEA aaba nako, ma kanoaia; te aonnaba ma ake a maeka iai.

² B'a E katea aonnaba i aon taian taari, ao E kawenea aana i nanoni marawa.

³ Ai antai ae na ararake n ana maunga te UEA? Ao ai antai ae na tei n ana Tabo are Tabu?

⁴ Bon ane karaoa ae e raoiroi ao e itiaki nanona; ane aki taromauri bouannanti, ke n taetae n tuea n te aro ni kewe

⁵ E na kakab'aiaki ma ni kamaiuaki iroun te UEA; E na atongaki iroun te Atua b'a akea ana bure,

⁶ i bukina b'a e taromauria Atuan Iakob'a ao e toro i rouna.

⁷ Kabane ukini mataroa aika mangkoangkoa; b'a E na rin te Uea ae kakannato.

⁸ Antai te Uea ae kakannato aei? Bon te UEA ae te tia buaka ae korakora ae m'aaka!

⁹ Kabane ukini mataroa, ake mangkoangkoa, b'a E na rin te Uea ae kakannato.

¹⁰ Antai te Uea ae kakannato aei? Te UEA ae Moan te M'aaka-Boni Ngaia te Uea ae kakannato!