Taian Areru 150 - Te B'aib'ara

Kam Na Kamoamoa te UEA

¹ Kam na kamoamoa te UEA! Kam na kamoamoa te Atua ae mena n ana Tembora! Kam na kamoamoaa te Atua ae mena i karawa ae nnena ae kawakinaki raoi!

² Kam na kamoamoaa i bukin ana m'akuri aika korakora. Kam na kamoamoaa i bukini kakannatona ae akea n ai arona.

³ Kam na kamoamoaa ni katangan taiani bu. Kam na kamoamoaa n taian aabi ma raea.

⁴ Kam na kamoamoaa ni katangan taian turam ao n te b'ab'atere. Kam na kamoamoaa ni katangani b'aai ni katangitang riki tabeua.

⁵ Kam na kamoamoaa ni katangan taian timbara. Kam na kamoamoa n timbara aika tangi m'aaka.

⁶ Kam na kamoamoa te UEA, ngkami ni kabane aika iai te maiu iroumi! Kam na kamoamoa te UEA!