Taian Areru 149 - Te B'aib'ara

Te Anene Ni Kamoamoa

¹ Kam na kamoamoa te UEA! Kam na anenea te anene ae boou nakon te UEA; kamoamoaa n aia bootaki ana Aomata aika kakaonimaki nakoina!

² Kam na kukurei, ngkami te botannaomata ae Iteraera, i bukin ami Tia Kariki-b'aai; Kim'areirei, ngkami kaain Tion, i bukin ami uea!

³ Kam na kamoamoa arana n te b'ab'atere; katangi b'aai ni katangitang n neboia iai.

⁴ E kukurei te UEA iroun ana botannaomata; E karineia aika onimakinna n anganiia te tokanikai.

⁵ A na kakatonga ana Aomata te Atua n reken aia tokanikai, Ao a na anene ni kim'areirei ni kangainaa.

⁶ A na kanene b'anaaia ngkana a kamoamoa te Atua, ma kabaang aika kakang wiia i nanoni baiia

⁷ B'a a na katae aia kai botannaomata ma ni kareke kaiia natanaomata;

⁸ A na kabaeia aia uea n taurekereke, ao aia mataniwi ni b'ai ni kabaebae aika biiti;

⁹ A na kareke kaia botannaomata n ai aron are E tua te Atua. Aia b'ai ana Aomata te Atua te tokanikai aei. Kam na kamoamoa te UEA!