Taian Areru 146 - Te B'aib'ara

Neboan Te Atua Ae Te Tia Kamaiu

¹ Kamoamoa te UEA! Kamoamoa te UEA, tamneiu!

² N na kamoamoa n ua tokini bongini maiu; N na anene ni kamoamoa Atuau n au tai ni maiu.

³ Tai onimakiniia aomata aika taani kairiri; akea te aomata ae kona ni kamaiu.

⁴ Ngkana a mate, ao a okira te tano; n te bong are a mate iai, ao a mauna baike a tia n iaiangoi.

⁵ E a kab'aia te aomata ae onimakina Atuan Iakob'a b'a buokana, ae e mwiokoa maiuna i nanoni bain te UEA ae Atuana,

⁶ Ae karaoa karawa ma aonnaba ma marawa ma b'aai ni kabane akana mena iai. E korakora onimakinana.

⁷ E kaeti raoi taekaia akana karawaawataaki, ao E anganganiia akana baki kanaia. E kainaomataia akana kabureaki te UEA

⁸ Ao E kanorabaia akana mataki; e kakorakoraia akana a mamaara nanoia; E tangiria ana Aomata akana kakaonimaki ma n ongeaba i rouna.

⁹ E kakawakiniia iruwa akana maeka i abara; E buokiia aine akana a mate buia, ma ataei akana a mate tamaia; Ma E katekebuakaia akana buakaka.

¹⁰ Bon te uea n aki toki te UEA. Tion, E na uea Atuam n aki tootoki. Kam na kamoamoa te UEA!