Taian Areru 145 - Te B'aib'ara

Te Anene N Nebonebo

(Te anene n nebonebo; ana b'ai Tawita)

¹ N na neboiko, Atuau, ae te Uea; N na kamoamoako n aki tootoki.

² N na kamoamoako n te bong ae koraki ma n neboiko n aki tootoki.

³ E kakannato te UEA, ao E riai ni kabatiaki kamoamoana; Akea temanna ae ataa aroni kakannatona ni kabane.

⁴ A na kamoamoa am m'akuri rooro nako; a na tataekin am m'akuri aika korakora.

⁵ A na taekina mimitongim ma karineam ao N na iangoi am m'akuri aika kamimii.

⁶ A na taekin taekan am m'akuri aika korakora, ao ngai N na kaota kakannatom.

⁷ A na taekin arom aika raoiroi ni kabane, ao a na anene ni kim'areirei, n anenea taekan am akoi.

⁸ E akoi te UEA ao E nanoanga, E aki kakai un ao E bati ana tangira.

⁹ E raoiroi te UEA ao E nanoanga nakoia aomata ma b'aai ni kabane aika E kariki.

¹⁰ Te UEA, a na bane n neboiko am kariki-b'ai, ao a na bane am aomata ni katituaraoiko.

¹¹ A na tataekina tamaroani m'aakam n tautaeka ma korakoram,

¹² B'a a aonga ni bane aomata n atai am m'akuri aika korakora ma ueam ae mimitong.

¹³ Akea tokin ueam, ao Ko na tautaeka n aki toki. E kakaonimaki te UEA ni kakoro bukin ana taeka; Ao E nanoanga n ana arona ni kabane.

¹⁴ E buokiia akana reke n te kaangaanga; E kakorakoraia akana mamaara nanoia.

¹⁵ A bane baika maiu n taraiko ma te mata ni kakantaninga, Ao Ko anganiia kanaia n te tai ae riai.

¹⁶ Ko anganiia ma nanom n akoi, ao a bane n rauaki iroum.

¹⁷ E raoiroi te UEA ni baika E karaoi, ao E nanoanga n arona ni kabane.

¹⁸ E tauraoi ni buokiia akana butiia ma nanoia ni koaua.

¹⁹ E kareke baika a kai nanoia iai akana a karinea; E ongo tangiia ao E kamaiuia.

²⁰ E kawakinia te UEA akana tangiria ni kabane, ma E na kamaunaia ni kabane akana buakaka.

²¹ N na kamoamoa te UEA; a na bane ni kamoamoa arana ae tabu ana kariki-b'ai ni kabane n aki toki.