Taian Areru 14 - Te B'aib'ara

Akea ae Kona ni Kakeaa te UEA

(Te areru mairoun Tawita i bukin te tia kaira te katangitang.)

¹ Bon ti te aomata ae e nanobaba ae e kona ni kaangai, “Akea te Atua.” Akea bonganaia aomata aikai; Akea irouia ae karaoa ae e raoiroi, ao akea te raoiroi i nanoia.

² E tarataraia aomata te UEA mai karawa b'a E kan noria b'a tao iai ae wanawana ae e na ukoukoria ke akea.

³ A bane n tangakoi b'aai; ao akea ae e karaoa ae e raoiroi.

⁴ Buakaka ma kammaira! E koaua b'a kam boni rangi ni bangab'ai? Kam raarawa n tataro, ao kam kang ana Aomata te UEA.

⁵ Ane kam na kimamaaku, b'a E meemena te Atua irouia aika a kakaraoa ae e raoiroi.

⁶ Ane kam na kamangaoi aia iango kananoanga ma a tararuaaki iroun te UEA.

⁷ E bia reke kamaiuan Iteraera mai Tion! Ngkana E a manga kaoka te kab'aia Te UEA nakoia ana kariki Iakob'a, ake te botannaomata ake Iteraera, Ao ane a na kim'areirei!