Taian Areru 137 - Te B'aib'ara

Aia Anene Iteraera Ngke a Tauaki B'a Taenikai

¹ Ti tekateka i rarikini karaanga i B'aburon, ao ti tang ngke ti uringa Tion.

² Ti katikui n aki kani katang ara b'ai ni katangitang.

³ Ti tuangaki irouia ake ti taenikai irouia b'a ti na anene: A tangirira b'a ti na kakukureia n ara anene: a kaangai, “Anenea nakoira te kuna teuana i bukin Tion.”

⁴ Ti na kanga n anenea kunara nakon te UEA n te aba ae tiaki abara?

⁵ N na aki kona ni manga katanga au b'ai ni katangitang ngkana I m'aninga taekam, Ierutarem!

⁶ N na aki kona ni manga anene ngkana I aki uringko, ngkana I aki iangoiko b'a kakukureiau ae bati ngkoe!

⁷ Te UEA, uringa te baere a karaoia tibun Etom n te tai are ekakinako iai Ierutarem. Uringa aia taeka ngke a kaangai, “Urua, urubekebekea!”

⁸ B'aburon, ko nang uruaki. E a kab'aia ane kaboa nakoim mwin am bure are ko karaoia nakoira:

⁹ Ane e anaia am merimeri ni boi ketaia i aon te b'a.