Taian Areru 136 - Te B'aib'ara

Ana Tangira Te Atua

¹ Kam na katituaraoa te UEA, b'a E raoiroi; b'a akea tokin ana Tangira.

² Kam na katituaraoa Atuaia atua; b'a akea tokin ana Tangira.

³ Kam na katituaraoa aia Uea uea; b'a akea tokin ana Tangira.

⁴ Bon ti Ngaia ae karaoi kakai aika ab'ab'aki; b'a akea tokin ana Tangira.

⁵ E karaoa karawa n rabakauna; b'a akea tokin ana Tangira.

⁶ E katea aonnaba i aon raan aika nano; b'a akea tokin ana Tangira.

⁷ E karaoa taai ma nam'akaina; b'a akea tokin ana Tangira:

⁸ E karaoa taai b'a e na oota n te ngaina; b'a akea tokin ana tangira;

⁹ ao nam'akaina ma itoi b'a a na oota n te bong; b'a akea tokin ana tangira.

¹⁰ E tiringiia naati m'aane ake karimoa ake natiia I-Aikubita; b'a akea tokin ana tangira.

¹¹ E kairiia te botannaomata ae Iteraera ni kaotinakoia mai Aikubita; b'a akea tokin ana tangira.

¹² E kairiia ni kaotinakoia ni m'akana ae korakora; b'a akea tokin ana tangira.

¹³ E bwenaua ranin Taari are Uraura; b'a akea tokin ana tangira.

¹⁴ E kairiia ana Aomata rinukana; b'a akea tokin ana Tangira.

¹⁵ Ao E kab'ab'aa uean Aikubita ma ana taanga ni buaka; akea tokin ana Tangira.

¹⁶ E kairiia ana Botannaomata ri nanon te rereua; b'a akea tokin ana Tangira.

¹⁷ E tiringiia uea aika korakora; b'a akea tokin ana Tangira.

¹⁸ E tiringiia uea aika rangi ni kinaaki; b'a akea tokin ana Tangira.

¹⁹ Temanna Taion, are aia uea taian Amoraite; b'a akea tokin ana Tangira.

²⁰ Ao Oka are ueani Batian; b'a akea tokin ana Tangira.

²¹ E anai abaia b'a a na abanaki irouia ana Aomata; b'a akea tokin ana Tangira.

²² E anga nakon te botannaomata ae Iteraera, ake ana Toro; b'a akea tokin ana Tangira.

²³ E aki m'anuokiniira ngke ti konaaki; b'a akea tokin ana Tangira.

²⁴ E kamaiura mairouia aiara; b'a akea tokin ana tangira.

²⁵ E angania b'aai aika maiu ni kabaneia kanaia; b'a akea tokin ana Tangira.

²⁶ Kam na katituaraoa Atuani karawa; b'a akea tokin ana Tangira.