Taian Areru 135 - Te B'aib'ara

Te Anene N Nebo

¹ Kam na neboa te UEA! Kam na neboa arana, ngkami akana ana toro te UEA,

² Akana kam tei n ana auti te UEA, n ana Tembora Atuara.

³ Kam na neboa te UEA, b'a E raoiroi; anene n neboa arana, b'a E akoi.

⁴ E rinea Iakob'a bon i bukina, te botannaomata ae Iteraera b'a oin ana b'ai.

⁵ I ataia b'a E kakannato te UEA, E kakannato riki nakoia anti ni kabaneia.

⁶ E karaoa are kukurei iai i karawa ao i aon te aba, i marawa ao n taabo aika nano i kabini marawa.

⁷ E karoko nangini karau mai tabon aonnaba; E karaoa te iti b'a raon te karau, Ao E kaotinakoa te ang mani nen ana b'ai.

⁸ E tiringiia karimoa ake natiia aomata ma maan i Aikubita.

⁹ E karaoi taiani kakai ma baika kamimii b'a b'aini karekeani kain aia uea ma raona ake a buokia n ana tautaeka.

¹⁰ E tiringiia botannaomata aika bati, ao E kamateia uea aika korakora:

¹¹ Are Taion, are aia uea taian Amoraite, ma Oka are ueani Batian, ma uea ni kabane ake ueani Kanaan.

¹² E anga nako abaia nakoia ana botannaomata ao n anganiia Iteraera.

¹³ Te UEA, e na tai toki tataekinam b'a te Atua Ngkoe; A na bane rooro nako n ururingko.

¹⁴ E na kaeti taekaia ana botannaomata te UEA; E na nanoangaiia ana toro.

¹⁵ A karaoaki atuaia botannaomata n taian tirewa ma koora; A karaoaki ni baiia aomata.

¹⁶ Iai wiia, ma a aki kona n taetae; ao iai mataia, ma a aki noraba.

¹⁷ Iai taningaia, ma a aki kona n ongo; a aki kona naba n ikeike.

¹⁸ A bia riki n ai aroia bouananti aomata akana karaoi bouananti akanne ma n onimakin.

¹⁹ Ngkami te botannaomata ae Iteraera, kam na neboa te UEA; Kam na neboia, ngkami akana ana ibonga te Atua!

²⁰ Ngkami te bootaki n aomata ae Rewi, kam na neboa te UEA; Kam na neboia, ngkami akana taan taromauriia ni kabane!

²¹ Kam na neboa te UEA i Tion, i Ierutarem are mwengana. Kam na neboa te UEA!