Taian Areru 13 - Te B'aib'ara

Te Tataro i bukin Ana Buobuoki te UEA

(Ana Areru Tawita i bukin te tia kaira te anene)

¹ Te UEA! maanraa Ngkoe ni m'anuokina taekau? E na maan n akea tokina? Ko na kaotiko nningai?

² Maanraa ngai ni mangaongao ao n aki rau i nanon te bong ae b'anin? A na maanraa au kairiribai n titiribooai?

³ Te UEA ae Atuau, taiaoka ongora, ao kaekai au tataro nako. Anganai riki te matairiki, b'a I kaawa ni b'aka ni kiro ao ni mate.

⁴ Ao a kaawa ni kaangai taan ribaai, “E a toka ara kai.” A na rangi ni kakatia ngkana I a konaaki.

⁵ I onimakina am Tangira, ao I rangi ni kimarimari iai b'a ko bon otanganai.

⁶ N na aneneiko te UEA, B'a Ko a tia n akoai.