Taian Areru 125 - Te B'aib'ara

A Kawakinaki Raoi Ana Aomata Te Atua

(Te Anene n Ararake)

¹ Akana onimakina te UEA ai aron te maunga are Tion, are aki kona ni m'aing, are tei n nene ni matoatoa n aki toki.

² Aroni maunga ngkai a otab'aninia Ierutarem, ao ai aron naba te UEA n otab'aninia ana aomata, ngkai ao n aki toki.

³ E na aki teimatoa aia tautaeka akana buakaka i aon abaia akana onimakina te Atua; ke ni kairiia b'a ana karaoi m'akuri aika bubuaka.

⁴ Te UEA, Ko na kakab'aiaia akana raoiroi, akana ongeaba nakon am Tua.

⁵ Ma ngkana Ko kareke kaiia akana buakaka, ao e na kareke kaiia naba akana aki ira nanom. Tataro i bukin reken te rau i aoia Iteraera!