Taian Areru 124 - Te B'aib'ara

Te Anene N Tokanikai

(Te Anene n Ararake, iroun Tawita)

¹ Ao ngke arona b'a E aki buokira te UEA? Kanga terana ara taeka iai, ngaira te botannaomata ae Iteraera?

² Ngke arona b'a E aki buokira te UEA ngke a buakanira aiara,

³ ao ti na kaman tia ni mate irouia i i bukin kakamaakuna

⁴ ti na kaman tia n uotaki nako ni korakoran te ieka, ao ni mauna nako i aan ranna;

⁵ ti na kaman tia ni b'ab'a ni korakoran airana.

⁶ Ti na kaitaua te UEA! B'a E a tia ni kamaiura mairouia aiara kanga ai aroia maan ni kakang.

⁷ Ti a tia ni kainaomataaki n ai aron te mannikiba ae kainaomataaki man ana b'ai ni kam'am'ane te tia kaei maan;

⁸ E reke buokara mairoun te UEA, are karaoa karawa ma aonnaba.