Taian Areru 120 - Te B'aib'araTe Tataro i bukin Ana buobuoki te Atua (Te Anene i bukin te Taromauri.) 1 Ngke e taonai te rawawata ao I tataro, 2 “Te UEA, kamaiuai mairouia taani kewe ma taani m'am'anaa te aba.” 3 Ngkami aika taani m'am'anaa te aba, tera te rekenikai ae tau i bukimi b'a kam na anganaki? 4 kaniwangami bon taian kanoa ni kainikatebe aika rangi ni kakang taboia, aika kabuokaki n te m'akaro n ai! 5 Ma N na maeka n iruwa, n ai aroia aomatan Meteka, ao n aia kaemb'a kaaini Keta. 6 I a tia n rangi ni maan ni maeka ma aomata aika ririiba te raoi! 7 Ngkana I tabeka taekan te raoi, ao ngaiia ti taekan te kani buaka i rouia. |