Taian Areru 12 - Te B'aib'ara

Te Tataro i bukin Ana Buobuoki te UEA

¹ Te UEA, buokira! A bane n akea aomata aika raoiroi; ma aika kakaonimaki naba.

² Akea ae e na aki kewea raona: A keweia raoia n taeka ni karang.

³ Te UEA, katokiia aomata man aia taetae ni karang, Ao kaini wii ake a taetae ni kainikatonga, ake a kaangai,

⁴ “Ti kareke baika ti tangiri man rabakaura n taetae. Taan taetae ngaira aika ti b'aakuaku, ao akea i aora.”

⁵ E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

⁶ Ana taeka te UEA bon taeka aika a kakoauaaki; ai aron te tirewa are kaburoburoaki itiua te tai m'aitina i nanon te nne ni kanaiai.

⁷ Te UEA, kawakiniira ao kamanoira, mairouia aomata.

⁸ B'a te koraki aika buakaka, aika a aiwaa n aki akaaka a kamoamoaai taekani baika a bubuaka ake a karaoi aomata.