Taian Areru 114 - Te B'aib'ara

Anenen te Riao

¹ E kaotinakoia ana aomata te Atua mai Aikubita, te aba ae a iruwa n ana taetae,

² E karika Iuta b'a ana tabo ae tabu ao e tautaeka i aon Iteraera.

³ E noria Taari are Uraura ao e biri nako; ao e toki raangan ranin te karaanga are te Ioretan.

⁴ A ewewe maunga n ai aroia kooti; a kibakiba tabuki n ai aroia tiibu aika ataei.

⁵ Taari, tera ae riki ngke ko biri nako? Ao ngkoe ae te Ioretan, e aera ngke e toki ranim n raanga?

⁶ Ngkami aika maunga ma tabuki, e aera ngke kam ewewe n ai aroia kooti?

⁷ Ko na ruru, ngkoe ae aonnaba, i matan te Uea ae Atuan Iakob'a, ngkana e a roko ni kaan

⁸ Are onika te b'aa b'a te neinei n ran, ao te atibu b'a te koburakenran.