Taian Areru 111 - Te B'aib'ara

Ana M'akuri Aika Kamimii Te Atua

¹ Kam na takaruaea neboan te UEA! N na katituaraoa te UEA Ma nanou ni koaua n aia tai ni bootaki ana botannaomata.

² Ai kamimiira baika E karaoi te UEA! Ane kukurei nanona ni baika E karaoi te Atua A na boni kawakin iai nanoia.

³ Ni b'aai ni kabane aika E karaoi te Atua bon te mimitong ma te karineaki ao m'akana e uota te kaetitaeka ae eti; ae akea tokin raoiroina.

⁴ Moan te kakannato te Atua n ana m'akuri aika kamimii; E ataataiaomata ao e nanoanga.

⁵ E kareke kanaia akana karinea; E aki toki n ururinga ana boraraoi ma ngaia.

⁶ E a tia ni kaota m'akana nakon ana botannaomata, ngke E anganiia abaia Ianena b'a abaia.

⁷ E kakaonimaki n arona nako ao E b'ab'aina te eti; A onimakinaki ana taeka ni bane.

⁸ A teimatoa n aki tootoki; a karaoaki n te koaua ma te eti.

⁹ E kainaomataia ana botannaomata, ao E karaoa ana boraraoi ma ngaiia ae teimatoa n aki toki. Moan te tabu Ngaia ao E korakora!

¹⁰ Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.