Taian Areru 110 - Te B'aib'ara

E Anga Te Tokanikai Te UEA

(Ana Areru Tawita)

¹ E taku te UEA nakon au uea, ae te king, “Ko na tekateka i angaataiu, ni karokoa ae I kaakiia taan ribaiko i aani waem.”

² Ane E na karababaa nako m'aakam n uea te UEA mai Tion. Ko na tautaeka i aoia am Kairiribai.

³ E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

⁴ E a tia te UEA ni kab'aka ana taeka ao E aki kona ni bitia: A kaangai ana taeka, “Ko na riki b'a te ibonga ngkoe n aki toki n ai aroni Merekitereka.”

⁵ E mena te Uea i angaataim, ngkana E un, ao E na katae aia kai uea.

⁶ E na motiki taekaia botannaomata nako, E na botataia n tiringiia ao ni kab'arikoirake rab'ataia akana mate; ni kabutaa aonnaba

⁷ E na moi mani karaanga n ran ae na bon rineia, ngkai e tabe n reke tokanikaina teuana i mwiin teuana,