Taian Areru 11 - Te B'aib'ara

Onimakinan te UEA

(Te areru mairoun Tawita i bukin te tia kaira te katangitang.)

¹ I onimakina te UEA i bukini kamanoau; kam rangi ni baba ngkae kam kaangai nako iu, “Kiba nako n ai aron te mannikiba nako aoni maunga,

² b'a nooria, a kareenai aia kainikatebe aomata ake a buakaka b'a ana katebeia aomata aika raoiroi.

³ Ngkana a uruaki tuua i bukin te botannaomata, ao akea te bae e kona ni karaoia te aomata ae e raoiroi.”

⁴ E mena te UEA i nanon ana Tembora are tabu; ao e mena ana Kaintokanuea i karawa. E tarataraia aomata ni kabaneia n taabo nako, ao E atai baika a karaoi.

⁵ E neneri aroia aomata aika raoiroi ma aika buakaka; ao E ribaia taani kakiriwe ma nanona ni koaua.

⁶ E na kab'aka te ai ma te bubu n ai ae korakora i aoia ake a bubuaka; ao E na katuuaia n te ang ae kabuebue.

⁷ E kaakaraoa ae e raoiroi te UEA, ao E tangira karaoan te motikitaeka ae eti A na noora matana akana karaoi m'akuri akanne.