Taian Areru 101 - Te B'aib'ara

Te Aro ae Riai iroun te Uea

(Ana Areru Tawita)

¹ N na anenea taekan te kakaonimaki ma te kaetitaeka ae e raoiroi; te UEA, N na aneneia nakoim.

² N na b'aina te aro ae moan te raoiroi: Ko na kawarai n ningai? N na b'aina te maiu ae itiaki i nanon au auti;

³ Akea te bae buakaka ae N na noria; I ribaai aia m'akuri aomata akana rairaki nako mairoun te Atua; N na aki reitaki ma ngaiia.

⁴ E na nako mairou te nano ae b'aoua: Akea te buakaka ae N na reitaki ma ngaia.

⁵ N na kamaunaa ane wirikiriki ni winantia raona; N na aki raoraona ane mata ni karietata ao e kainikatonga.

⁶ N na tarataraia akana kakaonimaki i aon te aba, B'a a na maeka irou n au bareti. Ake a b'ab'aina te koaua ao ana riki b'a au tia m'akuri.

⁷ E na aki maeka n au auti te tia m'am'anaa te aba; E na aki memena i matau ane b'ab'aina te kewe.

⁸ N na bane ni kamaunaia akana buakaka i aon te aba ni katoa ingabong; B'a a aonga ni bane n nako akana buakaka man ana kaawa te UEA.