Taian Areru 1 - Te B'aib'ara

Boki Teuana ( Areru 1—41 ) Te Kukurei ni Koaua

¹ E a kab'aia te aomata ae aki iri nanoia taan reirei aika buakaka, ae aki katotoong aroia taani bure ke n raoniia aomata aika akea manenaia i bukin te Atua.

² Ma kukurein nanona bon ana Tua te Atua; e waawarekia ma n iaiangoia ni ngaina ao ni bong.

³ Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

⁴ Ma tiaki aio aroia aomata aika buakaka; ti te bo ngaiia ma aron te maange ake a ukaki nako n te ang.

⁵ Ma ngaia are, a na kabuakakaaki iroun te Atua ao a na kaokoroaki mai buakoia ana Aomata te Atua.

⁶ A kairiiraki ma ni kawakinaki iroun te UEA aomata akana a raoiroi, ao aomata akana a buakaka a toua kawain te kabuanib'ai.