Taeka n Rabakau 7 - Te B'aib'ara

Nanobaban te Aki Kakaonimaki

¹ Natiu, ongora raoi ao tai m'am'aninga te b'ai ae I tuangko b'a ko na karaoia.

² Ongotaeka irou, ao ko na maiu! kariki au taeka n reirei b'a kaanga kaub'aim aika a rangi n kakannato.

³ Kaawakin i aon tabonibaim ao koroi i nanom.

⁴ Karika te wanawana b'a kaanga m'anem ao karika te iangoraoi b'a kaanga raoraom ae ko rangi n i tangitangiri ma ngaia.

⁵ A na bon kaawakiniko man ana taeka ni karang buun temanna.

⁶ I karina n nooria tabem'aang rorobuaka

⁷ aika a nanobaba man wintoon au auti.

⁸ E a bon rangi n tairaa ao n tabetai ngke e a tib'a roo.

⁹ E rairaki nakon te koona temanna mai buakoia rorobuaka aikai ao e nakonako i rarikin ana auti te buu are e aki kakaonimaki.

¹⁰ E kunnikainna n te kunnikai ae e tamaroa kaanga ainen mataawa ma ana kaantaninga ae ti teuana i nanona.

¹¹ Bon temanna ngaia mai buakoia aine aika a mautakarara man aki rau ao a aki konaa n tiku ni mwengaia,

¹² aika a nooraki ni kawain nako te kaawa, ni kaakaraniia m'aane.

¹³ E rawea te m'aane ao e kiiti ma ngaia, ao bon akea mamaana naba teutana, ao e taku:

¹⁴ “N na anga au karea ao e rangi ni m'aiti nikiran te iriko ni man i bukin te baka n am'arake.

¹⁵ Ma ngaia ae, I roko b'a n na kakaaeko ao ngaia ko mena ikai!

¹⁶ Taian rabuna ni kainiwene i aon te kainiwene bon taiani kunnikai aika a matamata mai Aikubita.

¹⁷ Ao I a tia ni kaboiararai ni boiarara aika a karaoaki man te muura te aroe, ao te tineman.

¹⁸ “Ti a nako ikekei b'a ti na kareke tangira ni kangainaa.

¹⁹ Are e m'ananga nako buu ao e a rangi n raroa nako.

²⁰ E uoti ana m'ane aika a m'aiti, ao e aki konaa ni waekoa n okira te auti i m'aain nuukan te nam'akaina.”

²¹ Ai ngaia are, e kam'anea teuarei n ana taeka aika a karewerewe ni kabane ao ana taeka ni karang.

²² Ao e iria nako teuarei kaanga te kaom'aane ae kairaki nakon te tiringaki, ke kaanga ai aron te nanobaba ae e kairaki nakon te katuaaeaki

²³ ao e tiringaki n taian kanoanikatebe. Ti te bo arona ma te mannikiba ae kawaekoaa nakon te kainikab'aru, ma n aki ataia b'a e na kabuanib'ai maiuna iai.

²⁴ Natiu te m'aane, kakauongo raoi nakon te b'ai ae I taekinna.

²⁵ Ko na bon aki katabea nanom iroun te aine ae aron anne ke n anga ngkoe b'a ko na kam'aneaki iroun te aine ae ai arona.

²⁶ E a tia te aine anne ni karika te b'aka rikaaki ao te mate nakoia m'aane aika a m'aiti.

²⁷ Ana auti bon te kawai teaina ae e kaineti rikaaki nakon aia aonnaba maate.