Taeka n Rabakau 30 - Te B'aib'ara

Ana Taeka n Rabakau Akura

¹ Aikai ana taeka n rabakau ao ana rongorongo Akura are natin Iaketa te m'aane. E tang temanna nakon te Atua ni kaangai, E a kiitanai te Atua. E a kiitanai te Atua, A akea ae e kona ni buokai.

² I aki riai n atongaki b'a te aomata b'a I bon rangi n nanobaba,

³ I bon tuai man wanawana, ao I aki ataia b'a te aekakira te Atua.”

⁴ A tia ni waerake tabeman nako karawa mani manga ruorikaaki? Iai ae e a tia n rawea te ang i nanoni baina? Iai ae e a tia ni batiana taari ke ni kanikinaai taian tia n te aonnaba? Ngkana iai ae ko ataia b'a e a tia ni karaoi baikai, ao anganai araia ao aran natiia.

⁵ A bane ni koaua b'aai ni kabane aika e taekin te Atua ao bon te otanga i bukiia aomata nako aika a roko nakoina i bukin kamanoaia.

⁶ Tai manga bita te b'ai ae e a tia n taekinna te Atua! E na kaetiko mani katereterea nakoim b'a te tia kewe ngkoe.

⁷ Bon iai b'aai aika uoua, te UEA aika I tangiriko b'a ko na karaoia ibuku i m'aain mateu:

⁸ Ko na karikai b'a te aomata ae e raoiroi ao ko na aki karikai b'a te aomata ae e rangi ni maiu ni kainano ke n rangini maiu ni kaub'ai. Ko na ti anganai baika I kainanoi.

⁹ Ngkana e a manga rangi n rawata kanau, ao ane n na manga m'aninga taekam; ao ngkana e a manga aki tau, ao ane n na manga kimoa ma ni kamamaaea aram.

¹⁰ Ko na aki tuanga te toka taekan temanna mai buakoia ana toro ae e buakaka. B'a ane e na kamaraiako te toro anne, ao ane ko na reke n te kangaanga.

¹¹ Iai tabeman aomata aika a kamaraiaia tamaia ao bon tinaia naba;

¹² ao tabeman a taku n aia iango b'a a rangi n raoiroi, ma a kam'araaeaki n aia bure.

¹³ Ao tabeman a kainikatonga ao a karaoi aia m'akuri taani kamoamoa;

¹⁴ ao tabeman a rangi n nano n rang ao a kab'autiia aomata aika a maiu ni kainano ao aika akea mwengaia.

¹⁵ Bon uoman natin te nano n rang aika a bwebwee, araia n tatabemaniia bon “Anganai!” Bon iai b'aai aika tenua ke aua aika a aki konaa n rauaki:

¹⁶ aia aonnaba maate ao te aine ae e kanoabo, aonteaba ae e b'atakataka ao te ai ae e ura.

¹⁷ Ko na tai b'ainingarea tamam ke n aki ongotaeka iroun tinam A na katebea kanoani matam rebenin te m'arua ni karebenakoa, ao a na kana nikiran rab'atam taian ikare.

¹⁸ Boni iai b'aai aika tenua ke aua aika I aki ataia:

¹⁹ Aron te ikare ni kiba ieta ke te naeta ni kawakawa i aon taiani b'a, aron taiani kaibuke ni ieie i nanoni marawa ke aroia aomata n tangira.

²⁰ E taku ana taeka te ainenum'a ae e aki kakaonimaki, “Akea buren te matu ma te m'aane temanna b'a kaanga ai aron kanakin te am'arake.”

²¹ Bon iai b'aai aika tenua ke aua aika e karurua te aonnaba aika a aki konaaki moaia:

²² Ngkana e a manga riki n uea te toro, ao te nanobaba ae e rangi kabatia kanana ae e kanna.

²³ Te aine ae e rangi n ribaaki ae a manga reke buuna, te toro te aine ae a manga onea mwiin te aine are ana toka.

²⁴ Bon iai b'aai aika a uarereke n te aonnaba aei ma a wanawana:

²⁵ Te kinnongo, aika a taraa ni mamaara, ma a kaikoa te am'arake i nanoni bongin te aumaiaki;

²⁶ Taiani kone, aika a taraa ni mamaara, ma a maeka i buakon taiani b'a;

²⁷ Taian rookati, aika akea aia uea, ma a m'ananga kaanga te taanga ni buaka;

²⁸ Taiani beru, aika a konaa n raweaki i nanon te bai ma a maeka naba n taiani bareti.

²⁹ Iai teniman maan aika a tamaroa nakonakoia:

³⁰ Taian raian aika a aki konaa ni maaku aika a tautaekana te buakonikai,

³¹ taiani moa aikai, aika a nakonako ma te kakatia, kootin aoni maunga aikai, ao taan tautaeka aikai aika akea aia kairiribai.

³² Ngkana ko nanobaba ni kamoamoako ke ko babaairei aron b'aai aika a buakaka, ao katokia ngkai!

³³ Ngkana ko kakibea te rannimamma i bukin karekean te b'ata ao ko na karekea ae e raoiroi riki; ngkana ko orea b'airim, ao e na raraa ao ane ko na reke n te kangaanga ngkana ko tiku ma marakin nanom.