Taeka n Rabakau 23 - Te B'aib'ara

Te Kaonoua n Taetae

¹ Ngkana kam kaoaki b'a kam na am'arake ma te uea, ao kam na karaoa kateimi ae ami kabanea n raoiroi.

² Kam na aki nako ni katibutauako! bon ti te bo anne ma kam bon korea roroam i bon iroumi.

³ Kam na aki m'angainrang n taraan am'arake ni kabane aika a kangenge taraaia! A na bon aki rangi ni kangkang.

Te Kaitiua n Taetae

⁴ Kataia b'a kam na aki riki ni kaub'ai

⁵ E na kibanako ami m'ane i m'aain ae kam a ataia, n ai aron te ikare ae e karina ni kiba nako.

Te Kawanua n Taetae

⁶ Tai kariaia te kakao n nako ni kana kanan te aomata ae e b'angantauti e aoria ngkana e rangi n raoiroi kanana.

⁷ B'a aomata aika aron aikanne a tabe ni wawareka m'aitin ae kam a tia ni kanna. A na kaangai, “Anai ni kabane akana kam bon taku!” ma a bon aki nanona ane a taekinna.

⁸ E na manga oki kanam ane kam kanna, ao a na bane buaka ami taeka n akoi ni kabane.

Te Karuaiwa n Taetae

⁹ Tai taetae nakoia aika a nanobaba ane a na ti b'ainingareingkami.

Te Katebwina n Taetae

¹⁰ Tai kam'ainga te tia ke n anaa te aba ae aban te teei ae akea tamana ma tinana.

¹¹ E mena te Atua ae Moan te M'aaka ikanne ni kaawakiniia ao ni kaitarako.

Te Katebwi ma teuana n Taetae

¹² Kakauongo nakon taian reirei ao kabanea korakorami ni kamateb'aia.

Te Katebwi ma uoua n Taetae

¹³ Tai b'arannano ni kaetiia natimi nako. Kam aki tiringiia ngkana kam matoatoa nakoia,

¹⁴ b'a a na bon kamaiuia.

Te Katebwi ma tenua n Taetae

¹⁵ Natiu, ngkana kam kaota te wanawana ao n na bon kukurei,

¹⁶ ao n na kim'areirei raoi ngkana kam b'aab'aina te koaua.

Te Katebwi ma aua n Taetae

¹⁷ Tai mataaiakiniia taani bure, ma karinea te Atua n taai nako.

¹⁸ Ao ane e na reke iroumi te kaantaninga ni koaua i bukin boong aika a na roko.

Te Katebwi ma nimaua n Taetae

¹⁹ Kakaauongo raoi irou, natiu! Kawanawanaingkami ao kaiangoraoingkami n ira te kawai ae e eti.

²⁰ Tai riki b'a te tia mamanging ke te tia mamauam'arake.

²¹ E na anganingkami te nimatutuu, ao kam na riki b'a te aomata ae e maiu ni kainano ae e ti kunnikainna n te kunnikai ae e mangaingai.

Te Katebwi ma onoua n Taetae

²² Kam na ongo iroun tamami, ao tai ribaa tinami ngkana e a kara.

²³ Kabooa te koaua ao te wanawana, te taeka n reirei ao te iangoraoi, ao tai raraaure nako ma ngaiia.

²⁴ Kakukureia raoi tamami ni maiumi aika a raoiroi ao ni kaota te motikitaeka ae e raoiroi.

²⁵ Karaoia ami karo b'a a na kamoamoa iroumi, ai moara ra riki tinami.

Te Katebwi ma itiua n Taetae

²⁶ Natiu te m'aane, kakauongo raoi, ao kukurei ni katotoongai.

²⁷ Bon ti te bo aine aika a buakaka ao ainenum'a aika a aki kakaonimaki ma te m'anono ae e nano

²⁸ a tatauraoi nakon buakanakim kaanga aroia te koraki ni kimoa n raweia konaia temanna i mwiin temanna.

Te Katebwi ma Wanua n Taetae

²⁹ Antai ae e aki toki n reereke n te kangaanga? Antai ae e aki toki ni ngurengure ma n un? Antai ae e m'akorokoro ma ni kunikun? Antai ae e takarokaro matana?

³⁰ Bon aomata ni kabane akana kakab'akanako tai, n taua riki teuana te m'angko ni manging.

³¹ Ko na bon aki karekea nanom n taraia ngkai e on ma ni kantara ma ni buroburo i nanon te m'angko te kiraati te wain! E rin raoi nimakina

³² ma i mwiina teutana, e na tena kaanga te naeta ae e boitin.

³³ Ko na noori b'aai aika a kamimii, ao ane e nang uotiko nanom nakon taiani kangaanga.

³⁴ Ko na minominotaki kaanga te aomata ae e kataia ni matu i aon te kaibuke n taini buakan nanoni marawa.

³⁵ E na kunkun rab'atam n aki akaaka ao ko na aki konaa n uringnga b'a e kangaa n riki. Ao ko na wene n aki matu ma n titiraki ni kaangai, e na ngaina n ningai, b'a I aonga ni manga nako riki ni mooi?”