Taeka n Rabakau 21 - Te B'aib'ara

Bon te UEA ae e babaaire

¹ Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

² N tabetai, ti iangoia b'a ti karaoa ae e raoiroi, ma e atai baike inanora n taai nako te UEA.

³ Karaoan ae e raoiroi ao ae e riai e boni kakukureia riki te UEA nakon te angab'ai.

⁴ A kainikatonga aomata aika a buakaka ao a kamoamoa, ma bon akea riki arokaia ae a unikia i rarikin te bure.

⁵ Ngkana kam baaire raoi ma ni m'akuri korakora, ao a na m'aiti ami b'ai; ngkana kam ienikuri, ao tokimi bon te maiu ni kainano.

⁶ Bon te mii ae e nanobaba karekean te kaub'ai man te aonikai kaanga ai aron te bakabure.

⁷ Kam bon uruana aromi i bon iroumi ngkana kam iowawa man tiritiri ma n rawa ni maiuakina te raoiroi.

⁸ A bane ni kewetaia taan aonikai, ma a na boni karaoa ae e raoiroi akana akea aia bure.

⁹ E raoiroi riki te maeka i tinaniku i taubukin te auti nakon te maeka i nanon te auti ma te ainenum'a ae e meremere n taai nako.

¹⁰ A tangiria aomata aika a buakaka ni karaoa te kaairua, ni bon nakoia naba raoraoia nako.

¹¹ A reirei aika a nanobaba aika akea aia iango ni katuaeakiia tem'angina; e reirei te aomata ae e iangoraoi n taian taeka n reirei.

¹² E babaaire raoi te Atua n taai nako! E atai baika a karaoi aomata aika a buakaka ao e na bon katuaaia.

¹³ Ngkana kam aki buoka te aomata ae e maiu ni kainano, tai iangoia b'a a na ongo b'anaam aomata ngkana kam tang ni buubuti buokami.

¹⁴ E na kamaiungkami mairoun ane e rangi n un te kamaraato ae e raba.

¹⁵ A na kukurei kaain te aba, ao a na maaku taan aonikai ngkana e karaoaki te motikitaeka ae e eti.

¹⁶ Ngkana kam katoka kamanenaan ami iangoraoi, ao kam na kuneingkami i nanon te ruanimate.

¹⁷ Taani mooi manging ao tabem'aang aika a ti kakaaea te kukurei a na bane n akea aia b'ai aike irouia.

¹⁸ E na reke maiuia ana aomata te Atua, ma a na kab'akai mwiin b'aai nako aomata aika a buakaka.

¹⁹ E raoiroi riki te mena i nanon te rereua nakon te mena n te mwenga ma te ainenum'a, ae e meremere ma ni ngurengure.

²⁰ B'aina te iangoraoi ao kaikoa te kaub'ai aika a kakaawaki— kam na aki bakataei n ai aron te nanobaba.

²¹ Ngkana kam kataia ni karaoa te akoi ma te raoiroi, ao kam na kakab'aiaki n te maiu ma te raoiroi ao te karineaki.

²² E konaa ni kataenikaia te kaawa ae e on n taian tautia ao n taua te nono ti temanna te aomata ae e wanawana.

²³ E konaa ni kamaiungkami man taiani kangaanga aika a bati te taratara raoi n te b'ai are kam na taekinna.

²⁴ Ngkana kam kainikatonga ao kam kamoamoa, ao ane a na atongko aomata ni kaangai, “Te kakan rietaata!”

²⁵ Ngkana e aki tootoki nanomi ao kam taningaroti ni m'akuri, ao e na bon uotiko nakon te kangaanga.

²⁶ Ma a tituaraoi n taai nako, aomata aika a ongotaeka iroun te Atua.

²⁷ E aki tabeakin aia angab'ai aomata aika a buakaka ma aia iango aika a buakaka te UEA.

²⁸ Ngkana kam taekina te kewe n te kabowi, ao kam na aki kakoauaaki; bon te tia kakoaua ae e onimakinaki ae a butim'aeaki ana taeka.

²⁹ A bakan atai kawaia aomata aika a buakaka, ma a iango ana aomata te Atua i m'aain eutakin waeia.

³⁰ Kam bon aki konaa ni konaa te UEA e ngae ngkana e m'aiti ami atatai ke tera ami kawai.

³¹ E bon teimatoa n tokanikai te UEA, e ngae ngkana iai aia aoti ami taanga ni buaka aika a tauraoi nakon te buaka.