Otea 8 - Te B'aib'ara

Katinanikuan Te UEA Iroun Iteraera E taku te UEA:

¹ Katanga te buu ni kauring! Iteraera, ko a tia n urua ara boraraoi ao ko a tia n aki kubara au reirei. Ao ngkai e na kiba rikaaki te ikare ni buakana abau.

² Iteraera, kam taku, “Ti atongko te UEA, b'a Atuara Ngkoe.”

³ Ma ane e na kakioko am kairiribai i bukin aki kubaran ara boraraoi ae e raoiroi.

⁴ Kam rineia taiani uea ma taan kairiiri ao kam aki moa kaetai; Kam karaoi taian bouannanti man te tirewa ma te koora ake a karika b'akami.

⁵ Te kaawa are Tamaria, I a un n ami bouannanti ae taamnein te kao te ataei. N ningai te tai ae kam na aki bure iai?

⁶ Iai temanna mai Iteraera ae e karaoa te bouannanti anne i bukimi, ma bon te ti te Atua Ngai. Ai ngaia are, e na kamaaenikunaki n aki akaaka.

⁷ Ngkana kam kamaae n unika te ang n onea mwiin te uita, kam na bon taia te ukeukenanti ao ana akea ami uita. E ngae ngkana kam taia te uita ana manga kimoaia kairiribai ni kabane.

⁸ Iteraera, ko a uruaki, ao ko a atongaki ngkai irouia botannaomata b'a akea bonganam.

⁹ Ti te bo ngkoe ma te aati ae e aki manana are e bon toua nako kawaina i bon i rouna. Ko biri nako Aturia ao ko kabooia b'a raom n te buaka.

¹⁰ E ngae ngke a kabonakoia nakon aaba aika bati ma N na manga bootia naba. Kam na waekoa ni kabuakakaaki irouia uea ma taan tautaeka.

¹¹ Iteraera, ko a tia ni katei taian baonikarea aika m'aiti ike kam anga karea ni kab'ara bure. Ma a riki taian baonikarea aikai b'a taabo ake a bure aomata iai.

¹² A tia ni koreaki ni katab'aninaki raoi Au kaetieti i bukin taian karea, ma kam aki kubari.

¹³ Kam karean ami man ake taian kabanea n tamaroa ao kam kang irikoia maan ake kam karean, ma I aki butim'aai ami karea nako Ngai ae te UEA. N na aki m'aninga ami bure ao N na katuaaingkami. Ao i mwiina, kam na okira Aikubita.

¹⁴ Iteraera, I karikingkami, ma kam m'aninga taekau. Ko karaoi taian bareti ngkoe ma Iuta ao kaawa aika a matoatoa. Ao ngkai N na kanakoa te ai b'a e na urua ami kaawa nako ma taian nono.